أعلن عدد من عمال شركة “تريدكو” للصناعات، عن اعتصامهم بمقر الشركة؛ بعدما قام رئيس مجلس إدارة الشركة، أمس، بإصدار قرار بتخفيض أجور العمال بنسبة تتراوح ما بين 15% إلى 30% على حسب الراتب.
وجاء في القرار: “نظرًا لخسائر المصنع التي تقدر بنحو 3 ملايين جنيه وتوقف مصانع السيارات عن العمل ما أدى إلى انخفاض المبيعات إلى أقل من الربع وارتفاع تكاليف المياه والضرائب والكهرباء، سيتم تخفيض الرواتب بالشكل التالي: أقل من 2000 جنيه 15%، من 2000 إلى 4000 خصم 20%، من 4000 إلى 6000 25%، 6000 فما أكثر 30%”.
وأضاف القرار، أن “من لديه فرصة عمل أخرى بخارج المصنع فعليه التمسك بها لعدم معرفة الأوضاع الاقتصادية القادمة”.
وقال أحد العمال المعتصمين –في حوار لشبكة “رصد”-: “المفروض الزيادة السنوية في كل الشركات 10% ، نزلنا 7% بس ووافقنا، فوجئنا امبارح بقرار خصم المرتبات اللي نزل ده”، مضيفًا “أنا مرتبي 1000 جنيه، بعد الخصم بقى 800 جنيه أعمل بيهم إيه وأنا متزوج قريب، آكل وأشرب بيهم إزاي وفي معانا عمال سنها 40 سنة و55 سنة هيعملوا إيه، وبعد القرار قررنا الاعتصام داخل الشركة لحين التراجع عن القرار”.
وتابع العامل حديثه قائلًا: “الكلام ده ما ينفعش يمشي معانا”، موضحًا أن “الشغل واقف بقاله 5 شهور ومش عارفين نعمل إيه، ولما اتكلمنا مع رئيس مجلس الإدارة قالنا اللي عايز يفضل يفضل واللي عايز يمشي يتفضل يمشي، لكن عندما طلبنا منه مستحقتنا المالية قالنا معنديش حاجة ليكم”.
