هاجم الفنان شريف منير الإعلامية عزة الحناوي طالبًا منها أن تذهب للعلاج؛ لأنها لا ترى ما يحدث في البلد، قائلا: “المذيعة أسلوبها غير لائق واتضح من طريقة حوارها مع ضيفها أنها لا تتقبل الآخر”.
وتابع -في مداخلة هاتفية مع الإعلامي أحمد موسى ببرنامج “على مسؤوليتي”، المذاع علي فضائية “صدى البلد”: “لما يبقى معاكي ضيف مينفعش تقولي له اسكت، الحلقة ليها وقت، وانتي استضفتي ضيف لازم تسمعيه للآخر؛ لأن ده تلفزيون الدولة”.
وأضاف: “شوفي حد يكشف عليكي اللي مش هيلحق رحلة الشعب يقعد يلطم مع نفسه، في ناس محبطة واللي مبيشوفش يبقى أعمى، من الصين لليابان، كل ده مش عاجبك! إن شاء الله التلفزيون المصري هيقف على رجليه بس على نضافة، إنتي عايزة ساحر اشتغلي انتي الأول وخليكي إيجابية”.
يذكر أن الإعلامية عزة الحناوي قد هاجمت السيسي في حلقة الأحد الماضي من برنامج “أخبار القاهرة”، الذي يذاع على قناة “القاهرة”، قائلة: “سيادتك مابتشتغلش الحقيقة، ومفيش ملف حليته لغاية دلوقتي من يوم ما جيت“.
