تداول رواد موقع التواصل الاجتماعي منشورا لأحد الأشخاص، يدعى محمد سعيد، بعد كشفه عن أملاك عمه الذي يتظاهر ضمن موظفي سنترال رمسيس المطالبين بتحسين أوضاعهم المالية.

ونشر سعيد صورة عمه أثناء مظاهرة رمسيس، وفند ممتلكاته التي تتكون من 3 شقق في القاهرة ومنزل في مدينة القناطر، ومتزوج من 3 سيدات، وسيارة ودراجة بخارية و 4 تليفزيونات و5 ثلاجات.

وقال سعيد: “الرجل اللي شايل اليافطة دا يبقى عمي واسمه سلامة عبدالتواب الدغيدي بيشتغل في سنترال رمسيس، بيروح يادوب ساعتين في اليوم وعنده ما شاء الله ٣ شقق في القاهرة وبيت في القناطر وأرض على النيل مباشرة، أقسم بالله العظيم بيته اللي في البلد فيه عدد خمس ثلاجات وأربعة تليفزيونات ومتجوز تلاتة وعنده عربية وفيزبا إيطالي، ربنا يزيده طبع”.

وطالب بتقديم بلاغ في عمه قائلا: “والنبي اللي يعرف النائب العام يبلغ عنه ويريحنا منه، سامحني يا عمي ابن اخوك شغال في السياحة والحالة صعبة جدا وانت رايح تتظاهر علشان الحوافز والمكافآت، عموما أنا قلت أمسي عليك علشان ممعاييش أصبح على مصر” .