كما أكد صلاح الجعار موظف، أن “مخابز التموين بالمحافظة تشهد حالة من السوء، وصلت إلى درجة رفض الأهالي شراء الخبز لعدة أيام، وتحرير محاضر دون الالتفات إليهم”.

وأضافت شيماء سيد: “بقينا بنقرف ناكل العيش بسبب اللي كل يوم نلاقية فيه، فمرة صراصير ومرة مسامير وخشب، وعلشان نشتري عيش سياحي الرغيف بربع جنيه وصغير جدا، وأنا معايا 6 أولاد، يعني عاوزة في اليوم بأكتر من 10 جنيه عيش علشان يكفيهم، أو ناكل الصراصير وأمرنا لله”.

واختتم سعد أبوأحمد تعليقات الأهالي قائلاً: “يا سيادة محافظ المنوفية نظرة لله، نظرة لأرواح الناس اللي أصبح مالهاش لازمة عندكم، كلنا لحمة الحمير والكلاب، والعيش أبوصراصير، والمياه الملوثة، فاضل إيه علشان ترحمونا وتحسوا إننا بني آدمين زيكم، أنا هاخد العيش ده وأطلع على سيادة الرئيس وأشوف إن كان يرضيه ياكل عيش من ده، يبقى ناكله إحنا وعيالنا”.