قالت الناشطة السياسية، غادة نجيب، زوجة الفنان هشان عبدالله، الإعلامي بقناة “وطن”، إن “بعض الإخوان خطابهم منفر وغير مطمئن”، مضيفة -في منشور لها على “فيس بوك”-: “يعني مثلًا لما يساووا الناس اللي شاركت في 30 يونيو باللي قتل واللي حرض على الدم، ويتوعدوهم أوماااال ناويين تعملوا إيه في اللي فوض مثلًا، وأصلًا ناويين تعملوا إيه في الملايين اللي نزلت يوم 30 هتحطولهم سم فران يعني”.
وأضافت “نجيب”، “الخطاب ده صوته على وابتدى ينفر اللي زي حالاتي مثلًا اللي بيدعوا للاصطفاف، طب تفتكروا اللي ضد فكرة الاصطفاف هيحس بإيه؟، طب فرضنا فرضًا إن مرسي رجع أكيد هيعلقونا على المشانق”.
واختتم منشورها قائلة: “أتمنى من العقلاء وهم كثيرون، إما يسيطروا على هذه الأصوات أو يتبرأوا من كلامهم”.
.jpeg)
وعندما هاجمتها إحدى المتابعات، نانسي أحمد، بأنها تسب الإخوان على الرغم من أن زوجها يعمل بقناة تابعة لهم، قائلة: “الإخوان اللي بيصرفوا عليكي انتي والسبع جوزك، انتوا بتوع 30 سكسونيا يستاهلوا إنكوا تقولوا عليهم خرفان ملايين إيه يا هانم اللي نزلت في 30 سكسونيا انتي صدقتي كدبة المبدع خالد يوسف وﻻ إيه… فوقي ولو نطول نعلق المشانق هنعلقها بس أشكالكوا مش هتعوض ضوفر من المحترمين، اللي بغباوتكم كنتوا سبب في دبحهم”.
.jpeg)
وردت عليها “نجيب”: “يصرفوا على مين يا… جوزي بيقبض من شغله وشغله ده وافق عليه بعد محايلات وتطمينات إن مفيش مرسي يا لولو، وأنهم مش هيتدخلوا في شغله يا جميلة هما مشترطوش علينا حاجة دا احنا اللي اخدنا تطمينات كتير عشان نرضى نشتغل معاهم”.
.jpeg)
فيما اتهمتها سما أحمد، بأنها ليست صاحبة مبدأ ولا كرامة؛ إذ قالت: “بيقبض من شغله!!! وهو انتوا لو عندكوا مبدأ ودم وكرامة كنتوا تشتغلوا عند الإخوان بعد ما انقلبتم عليهم وحرضتوا عليهم وتسببتوا في قتلهم وقولتوا عليهم إرهابيين!!!!!! انتوا مرتزقة ولا دين ولا مبدأ ولا أخلاق”.
.jpeg)
بينما ردت “نجيب” قائلة: “وهو الإخوان لو عندهم دم وكرامة كانوا شغلوا حد قال عليهم كده انتم مرتزقة ولا دين ولا مبدأ ولا أخلاق يا اسمك إيه انت”.
.jpeg)
