هاجم المذيع المقرب من الأجهزة الأمنية سيد علي، المحامي خالد علي، المرشح الأسبق للرئاسة، وحمدين صباحي مؤسس التيار الشعبي؛ على خلفية دعوتهما للمشاركة بتظاهرات 25 إبريل، دون مشاركتهما فيها، قائلًا: “خالد كان عامل زي تياتنك وفاتح إيديه هو وحمدين، طول الوقت بيدعو لمحرقة الشباب غير القانونية وغير المرخص بها”.
وأضاف، خلال تقديمه برنامج “حضرة المواطن”، عبر فضائية “العاصمة” أمس الثلاثاء، “إحنا محسوبين على النظام الحالي، بما فيه وزارة الداخلية، إنتوا بقى محسوبين على أي نظام، أنا لو ماقبضتش مرتبي يوم واحد مش هعرف أصرف على بيتي، إنتوا بقى مش بتشتغلوا أصلًا، نفسي أعرف بتقبضوا منين؟ راكبين المرسيدس دي منين؟ عايشين إزاي؟”.
وتابع: “يشرفني أنا أكون محسوبًا على هذا النظام بدلًا من أن أكون محسوبًا على النظام الإسرائيلي أو الأميركي، لا أخدت فلوس من القذافي ولا كوبونات من صدام حسين، ده الكبير بتاعكم لما نزل انتخابات.. الأصوات الباطلة كانت أكتر من أصواته، هو الباشا بيشتغل إيه؟”.
واستكمل: “أجهزة الأمن تعطي هؤلاء وزنًا أكبر من حجمهم، أهمية لا يستحقوها، إنتوا ولا حاجة، إنتوا خربتوا مصر، صوتكم قد كدةوبتشوهوا الناس مع أنكم أقلية”.
