قال “محمد عادل”، عضو فريق “أطفال شوارع”، تعليقًا على اعتقال زميلهم “عز الدين خالد”، “مش هاقول إننا متفاجئين لإننا كنا عارفين تقريبًا إن في حاجة هتحصل.. عارف إن في ناس كتير عمالة بتلومنا وبتلومني شخصيًا بما إني كنت بزق الفريق ده دايمًا إنه يعمل حاجات أكتر”.
وأضاف -خلال منشور له على صفحته الشخصية على موقع التواصل الاجتماعي “فيس بوك”- “قعدنا من يومين قبل آخر فيديو وقلنا “مش عاوزين لما نكبر نفتكر نفسنا ونفتكرها إنها كانت جبانة” نفوسنا مش جبانة بس يمكن اللي بيحصل يكون أكبر مننا شوية”.
وتابع: “الملف على مكتب وزير الداخلية، احنا الستة مطلوبين، خمسة هربانين وأصغر واحد فينا واللي عنده السكر مقبوض عليه.. اتكلمت مع الشباب امبارح ويمكن محدش ندمان إننا وصلنا هنا لكن يمكن خايفين من المستقبل.. مصر مخيفة أوي ومكنش ينفع منوصلش للمرحلة دي وعمرنا بيتغير قدام عينينا، بس مصر مصرة متتغيرش، عارف إننا نكرات في مسار الأحداث”.
فرقة “أطفال شوارع” فرقة ناشئة، تتكون من ستة من الشباب صغار السن، وتدور فيديوهاتهم حول السخرية من سلبيات المجتمع بشكل مضحك وساخر؛ حيث إنهم يقفون في أحد شوارع البلد، ويقوم شاب منهم بتصوير فيدوهاتهم بطريقة السيلفي باستخدام هاتفه المحمول، ليقوموا الستة بتأدية فقرة ساخرة تحتوتي على مقاطع غنائية.
يصف فريق أطفال شوارع أنفسهم بأنهم: “مجرد شباب مصري بيعملوا في المسرح، وأنهم جه عليهم وقت فكروا فيه إنهم عايزين يصوروا فيديوهات مضحكة في الشارع المصري”.
