يعاني العديد من سكان مدينة المطرية بمحافظة الدقهلية، من انقطاع المياه يوميًا بمعظم المناطق وانعدامها في مناطق أخرى، منها: منطقة العقبيين والجسر الواقي بجوار مدرسة الترسانة ومنطقة البر التاني.
أثار انقطاع المياه غضب المواطنين الشديد وذلك بعد تجاهل المجلس لتلك المشكلة، وعدم النظر لشكاوى المواطنين، وارتفاع أسعار فواتير المياه، والانشغال في أشياء أخرى أقل أهمية؛ مثل عمل زينة عند مدخل المدينة.
يقول احمد الحوت :” حسوا بينا يا مسؤولين، حس بينا يا رئيس مدينة المطرية، حرام كدا أكثر من خمسين شكوي يوميًا ومحدش بيتحرك، هتموتونا احنا بنطالب بأقل حاجة.. المياه، وفي الآخر الفاتورة بتيجي غالية”.
ويعلق السيد مسعد : “المياه عندي بقالها اسبوعين مقطوعة كل ده عشان مسئولين مش راضيين يشوفوا شغلهم وقاعدين في التكييف ارحلوا يا شوية فشلة “
ويضيف محمد حسني: “نفسي اسأل المسؤولين لو المياه قطعت عندك هتعمل ايه ؟اتقوا الله كل يوم من فشل لفشل ومحدش بيشوف شغله ومش عارفين حتي ناكل ولا نشرب ولا حتي نغسل الملابس”.
ويشارك باسل حامد : “المجلس بقا بيهتم بالزينة اكتر من خدمة المواطنين، يعني ايه تعلق زينة علي مدخل المدينة وتسيب المدينة مفهاش مياه، كفاية بقا مش قدها سيبوها وامشوا حسبي الله ونعم الوكيل”.
