قال هشام عبدالحكيم، اللواء السابق بالمخابرات: “إن أميركا هي السبب في سقوط روسيا، وقد اتبعت معها خطة تقوم على عدة محاور وهي إنهاك اقتصادي ثم سباق تسلح ثم انهيار، وهذا هو ما تتبعه أميركا حاليا مع مصر”.
وأضاف عبدالحكيم، مداخلة هاتفية ببرنامج “حقائق وأسرار” مع الإعلامي مصطفى بكري، المُذاع على فضائية “صدى البلد”: “مصر جربت النظام الموالي لأميركا وفشل، دلوقتي إحنا مع نظام بيدور على بلد وعلى مصلحة بلد، ولازم الجميع يعي هذا”، مضيفًا: “الغرب مش هيرفع إيده عن مصر إلا بأيد أبناء مصر، والشعب المصري هيقدر يعاني من الجوع ويحتمل المعاناه، لكنه لن يحتمل الفوضى”.
وأشار إلى أن لديه معلومات بأن الإدارة الأميركية اتخذت قرارًا بإسقاط النظام السوري منذ عام 2005م، وبدأوا في تنفيذه عام 2011م، قائلًا: “الانترنت ده اختراع أميركي، وهو سبب البلاوي كلها اللي احنا فيها علشان يقدروا يسيطروا على العالم”.
وقال عبدالحكيم: “فين الدولة في العالم بتعرف تعيش بتلت شعبها، أو بنص شعبها، إحنا يا مصطفى بيه تلت الشعب المصري مبيشتغلش، ولولا الستات اللي بتشتغل في البيوت وفي المطاعم وبتصرف على البيوت والرجالة نايمه في بيوتها وبيشربوا مخدرات، ده في واحد قال :”ليه السيسي ميعملش حصة حشيش على البطاقة”.
