قال عمرو أديب : إن البلد الآن يحكمها رأيان، رأي يرى أن هناك معركة وإرهابًا ولا صوت يعلو فوق صوت المعركة، و رأي آخر يرى إننا “لازم نتكلم ” .
وأضاف خلال برنامجه كل يوم ، المذاع علي فضائية ON E :” من فترة في مصر، كان قرار إن إعلامي يقعد في البيت، هو قرار الحكومة والإدارة المصرية وأنا من الناس دي ، حسني مبارك قعدني في البيت ، حاليا أصبح ضغط الرأي العام ” الفيس بوك وتويتر ” أشرس من الحكومة ، أصبح الآن يتم اغتيالك خلال 10 دقائق من خلال تويتر ” مؤكدا :” عدد الاعلاميين اللي قعدوا في بيتهم السنة اللي فاتت كفيل بفتح قناة فضائية “
و تابع :” احنا ماشيين بمنطق لا صوت يعلو فوق صوت المعركة ، بس لازم واحنا بنحارب نتكلم ، وأنا بقول ان عمرو الليثي احتمال ميرجعش تاني ، سواء الفيديو صحيح أو مفبرك ، قناة الحياة أعلنت أنه طلع أجازة ، انا بقول ان الاجازة دي هتطول “
و أردف :” لو أنا ضد مصلحة الدولة مستعد أمشي ، بس لازم نسمع بعض ، الدولة مش ضعيفة ، ايه المشكلة ان فيديو التوكتوك يوصل لـ15 مليون مشاهدة ، ما اي مغني أغنيته بتوصل لكده وأكتر ، هندخل عمرو دياب السجن !”
وختم :” البلد دي ماشية بمعجزة “.
