قال الدكتور حازم حسني، أستاذ العلوم السياسية بجامعة القاهرة، دعونا مما فعل عبد الناصر ومن قبله محمد نجيب سلبًا أو إيجابًا، دعونا مما فعله السادات ومن بعده حسنى مبارك سلبًا أو إيجابًا.
وأضاف خلال صفحته الشخصية علي”فيس بوك”:”دعونا مما فعله المجلس العسكرى ومن بعده محمد مرسى ومن بعدهما عدلي منصور سلبًا أو إيجابًا، خلونا فى السيسى، السيسى استلم البلد وسعر الدولار 7 جنيهات وبقى سعره النهارده أكتر من ضعف ثمنه يوم ما استلم البلد”.
وتابع:”السيسى – خلال سنتين فقط من حكمه – ضاعف حجم مديونية مصر وأكتر، يعنى استدان أكتر من اللى استدانه كل من حكموا مصر قبله من محمد نجيب لغاية عدلي منصور.. السيسى استلم البلد ومعاها معونات دولارية 20 مليار دولار وصلت من دول الخليج – باعترافه – قبل حتى ما يستلم الحكم.. ده غير اللى جه بعد كده، المصريين جمعوا له بعد شهور قليلة جدًا من تسلمه الرئاسة أكتر من 64 مليار جنيه على حس مشاريع قناة السويس.. متهيأ لى كفاية كده عشان مرارة البلد ما تستحملش.. نفكر دراويشه وبهاليله بأكتر من كده”.
واختتم: “لو هي دي الخرابة اللى استلمها السيسى، ولو هو مش مسؤول عن خرابها، طيب يا ريت يسلمها لنا زى ما استلمها.. ده لو يقدر.. وبلاها حكاية قد الدنيا، وبلاها حكاية العفاريت اللى ح تحتار فى أمر إنجازاته… احنا مسامحين فى كل الوعود دي!!”
