أكد أهالي معتقلي سجن برج العرب، استمرار تعرض ذويهم للاعتداء والانتهاك علي يد قوات الأمن وإدارة السجن ومنعهم من الزيارة.
وفي بث مباشر خاص لشبكة” رصد” قالت والدة أحد المعتقلين :”من يوم الأحد نسمع عن قلق داخل سجن برج العرب، ورحلوا معتقلين للمنيا وجمصة ودول مناطق بعيدة جدا عن الاسكندرية، دون إبداء أسباب”.
و أضافت :”أهالينا مش راضية تطلع الزيارة بسبب الاهانات والاعتداءات اللي بتحصلهم، وبيضربوا عليهم قنابل غاز وقنابل صوت بتطلع شظايا بتحرق، والأهالي لما بيشوفوا معتقليهم بيلاقوا وشهم محروق أو ايديهم محروقة وفي ناس انتقلت للمستشفي وناس انتقلت لأماكن تانية وهي متغمية محدش يعرف رايحين فين”.
وتابعت:”حاولنا ندخل الزيارة النهاردة منعونا وادعوا أن المعتقلين هم اللي مش راضيين يطلعوا، حاولنا نقولهم ندخل مندوبين عن الأهالي يطمئنونا على المعتقلين جوه رفضوا”.
وأفادت:”كل شوية تطلع عربية ترحيلات، وجابولنا قوات خاصة وأمن مركزي ولواءات ، واعتدوا علينا، في ناس قليلة جدا عرفت تدخل لأهلها اكتشفوا انهم مضروبين ومتبهدلين جدا، ومفيش أكل ولا ميه ولا نور”.
وأكدت أنهم سيستمرون في اعتصامهم أمام برج العرب لحين الاطمئنان علي ذويهم، مختتمة حديثها قائلة:”احنا بنستغيث بالله، والمعتقلين السياسيين هما أشرف ناس في البلد واحنا سايبينهم في معية الله، وبنحمل كل المسؤولين في برج العرب أي حاجة تحصل لأهالينا، وسامح الصيرفي وعمرو عمر وطارق الشاذلي وكل اللي بيعاونوهم هنقتص منهم في الدنيا والآخرة، ومش هنسيب حقنا”.
