تداول مرتادو «فيس بوك» فيديو لعبدالفتاح السيسي في مؤتمر يؤكّد فيه رفضه لتطوير السكك الحديدية بسبب ارتفاع التكلفة، وربطوا بين كلمته وحادث تصادم القطارين اليوم في الإسكندرية وأسفر عن مقتل 37 راكبًا.
وأثناء افتتاحه مشروعات تنموية في الصعيد، قال السيسي: «اللي خلى مستوانا كده إننا مش بنواجه الحقايق، العشرة مليارات بتوع السكة الحديد لو حطيتها في البنك حاخد عليهم الفايدة ملياري جنيه، لما مرفق عايز مائة مليار جنيه لرفع كفاءته حانجيبه منين؟ حنسد قروض كوريا وغيرها منين؟ لازم الكل يعرف الحاجات دي، ولما تيجي تزود عليه التذكرة جنيه واحد يقولك أنا غلبان مش قادر، وأنا كمان غلبان مش قادر».
وتابع السيسي: «والله العظيم أنا صادق في كل كلمة باقولها، ودماغي مع زمايلي في كل حاجة بتتعمل، ده مش جديد عليا، الجديد إني بقول لزمايلي قولوا للناس واشرحولهم إحنا بنجيب منين عشان نعمل إيه، مافيش خدمات في العالم بالتكلفة اللي إحنا بنعملها».
