أكد الصحفي سامحي مصطفى، عضو مجلس إدارة شبكة «رصد»، أن زيارة العيد، من أصعب الزيارات على المعتقل.

وأضاف عبر منشور له على «الفيس بوك»: «العيد على الأبواب… وأول يوم العيد بيبقى أصعب يوم على المساجين سواء الجنائيين أو السياسين لأن الزيارة في اليوم ده بتبقى طبلية يعني بينك وبين أهلك وأولادك طرابيزة كبيره بتسلم عليهم وتاخد الحاجات اللي جايبنها وخلاص انتهت الزيارة».

وتابع: «يعني أهلك جايين من آخر الدنيا علشان خمس دقايق بس -ودا للعلم مخالف للوائح والقوانين – فيه ناس أصلا مش بتزور إلا في المواسم بس .. وفيه ناس نفسها تفرح مع أولادها في أول يوم العيد … وللأسف دا بيبقى بشكل اجتهادي من ضباط المباحث».

ووجه حديثه إلى مساعد وزير الداخلية للسجون، قائلا: «ياريت يا سيادة اللواء مصطفى شحاته – مساعد الوزير للسجون – تأكد أن الزيارة تكون عادية زي اللوائح والقوانين ما بتقول، كفايه الآلام اللي بنعاني منها في السجون، كفاية 23 ساعة مقفول علينا في زنزانة مش بيدخلها الشمس،كفاية الإهمال الطبي اللي بنعاني منه».

وكانت محكمة جنايات الجيزة، قررت رفض الاستشكال المقدم من سامحي، بإخلاء سبيله لحين البت في النقض.

ويحاكم الصحفي المصري سامحي مصطفى بالسجن المشدد خمس سنوات على ذمة القضية رقم 317 لسنة 2014 حصر أمن دولة عليا، المقيدة برقم 2210 لسنة 2014 جنايات العجوزة، المعروفة إعلاميًا بـ«غرفة عمليات رابعة».

وتدعي النيابة في اتهاماتها ضد سامحي «الانضمام إلى جماعة أسست على خلاف القانون، قلب نظام الحكم، التخريب العمد لممتلكات عامة، إذاعة أخبار وبيانات وشائعات كاذبة، حيازة أجهزة اتصالات لاسلكية دون تصريح»