سخر رواد مواقع التواصل الاجتماعي من تصريحات وزير النقل، الدكتور هشام عرفات، الأخيرة عن سعر تذكرة المترو في مصر وفرنسا مقابل بيض الدجاج في البلدين .
صرح «عرفات» أمس في تصريحات إعلامية : «تذكرة المترو بتجيب بيضة ونص فى مصر.. وفى باريس 7 بيضات».
وألمح إلى زيادة سعر التذكرة، قائلا إنها مرتبطة بزيادة عدد المحطات، مضيفا: «أنا بروح مجلس الوزراء بالمترو يوميا، ومفيش فرق بينه وبين مترو باريس».
وكان المتحدث الرسمي باسم هيئة المترو، أعلن عن وجود زيادة قريبة في سعر التذكرة، خاصة مع تركيب البوابات الالكترونية الجديدة.
يذكر أنه تم رفع سعر تذكرة المترو مارس الماضي، إلى 2 جنيه، ما اثار الجدل آنذاك، خاصة مع النفي المتكرر من الحكومة المصرية.
وزير النقل يتفشخر بالرخص ويعلن بلغة "سوق الخميس" تذكرة المترو تجيب بيضة ونص وبره تذكرتهم تجيب ٧بيضات!!…..سوءال مهم يلح علي: سعادتك بتقبض كام بيضة…؟
ماشي يعني العملة الان بالبيض… عيشه صارت "بيض في بيض"….!?— سمير غويبه (@GHOWEBAH) December 14, 2017
#بيض-وزير-النقل
واضح كده بعد تعويم الجنيه وموته غرقا دخلنا فى مرحلة جديدة خااااالص هنرجع لنظام المقايضة تانى أروح أخد تذكرة مترو وديهم بيضين ونرقد مدير المحطه عليه ويفقس والكتاكيت تلعب على القضبان….متخيل يا مااان …مرحبا بكم احبابى فى بلد البيض 😂😂😂— ندى (@nadaes4) December 14, 2017
#فناكيش_السيسى
تزوج من تحب … وأدفع مهرك بيض …
مع تحيات وزير النقل المصري pic.twitter.com/NoFeNSBMtJ— نسيم الأمل (@sathaemra) December 13, 2017
#زمش وزير النقل:"تذكرة المترو بتجيب بيضة ونص.. وفي باريس بتجيب 7 بيضات"..يامعالى الوزير فى مصر مرتب الموظف 5 كراتين بيض فى الشهر وفى باريس 5 مزارع فراخ بياضه فى الشهر.
— محمد جوهر حامد (@mohamedghamed) December 13, 2017
هو من امتى البيض بقى وحدة العملة يا جماعة؟ يعني كده ممكن حسب وزير النقل نروح نقبض بيض من البنك ونسافر مثلا بألف بيضة معانا ونبدل بيض مصري ببيض باريسي عشان نعرف نتعامل في الاتحاد الأوروبي؟ ولا البيض هيبقى زي البت كوين؟
— Ahmed Raslan 🖖 (@RaslooO_o) December 13, 2017
️ وزير النقل: "تذكرة المترو بتجيب بيضة ونص.. وفي باريس بتجيب 7 بيضات"!!!!
طيب يا سيادة الفرارجي، المواطن في باريس بيقبض كم بيضة وفي مصر بيقبض كم بيضة ؟
️و بالمرة شوف لنا الست والدتك في العشة ولا طارت؟
ده بقي #مرار_طافح— ahmed afify (@afify) December 13, 2017
وزير النقل: "تذكرة المترو بتجيب بيضة ونص.. وفي باريس بتجيب 7 بيضات" pic.twitter.com/CWqsis51kG
— الباشا8 (@totopop14) December 13, 2017
وزير النقل: “تذكرة المترو بتجيب بيضة ونص فى مصر.. وفى باريس 7 بيضات والنص بيضه دي حسابها ازاي🙄 https://t.co/26BrQE7VS2
— A7med yehiya (@ahmed_yehiya) December 13, 2017
