شبكة رصد الإخبارية
follow us in feedly

اتحاد الفلاحين: مش هنزرع قصب تاني وشركات السكر بتصيف على قفانا

قصب السكر

قال أمين عام اتحاد الفلاحين، مظهر عيسي، إن ما حدث في القطن من تدمير سيحدث في قصب السكر، موضحا «أنا مزارع وبازرع قصب قبل ما أكون في الاتحاد».

وأضاف عيسى، خلال مداخلة هاتفية بإحدي القنوات الفضائية، أمس السبت، «معايا 16 فدانا، والله لما أخلص السنة دي مش هزرع قصب تاني، أنا أعرف إني بدفع من فلوس بيتي عشان محصولي، محدش سأل علينا رفعوا الأسمدة ومحدش عارف عننا حاجة».

وتابع: «كله بيكسب على قفا المزارع، وزي ما حصل في القطن وهدوا عرش مصر من القطن هيحصل في القصب، شركات السكر كلها بتصيف بره مصر على قفانا، أنا عن نفسي قصبي هبيعه بره ومش هزرعه تاني خلاص، عشان السياسة اللي الدولة ماشية فيها في قصب السكر غلط، كله بيضحك على كله، حتى رئيس الحكومة بيدينا وعود أثق في مين تاني؟».

بدأت أزمة توريد محصول قصب السكر مع اقتراب موسم الحصاد، وتأخر الحكومة عن إعلان سعر التوريد الجديد، ومطالبة المزارعين بزيادته من 620 جنيهًا إلى 1000 جنيه للطن الواحد، في الوقت الذي عرضت فيه وزارة الزراعة واستصلاح الأراضي سعر 700 جنيه.

ورفضت الشركات والمصانع السعر الجديد، متجاهلة طلبات المزاعين، وعرضت 700 جنيه للطن، اعتمادًا إلى معدل تكاليف الإنتاج البالغة 17 ألف جنيه للفدان، مقابل عائد يصل إلى 28 ألف جنيه عند تسويق متوسط إنتاج الفدان البالغ 40 طنًا.


X

تنفيذ و استضافة وتطوير ميكس ميديا لحلول الويب تنفيذ شركة ميكس ميديا للخدمات الإعلامية