تفاعل كبير، شهده موقع التواصل الاجتماعي «تويتر»، من خريجي كليات هندسة البترول في مصر، على هاشتاج «#عاوز_حقي_يا_وزير_البترول»، وهاشتاج «#مهندس_بترول_عاطل»، للمطالبة بفرص متساوية في التعيين والعمل.
وانتقد أغلب المغردون على الهاشتاج، قلة فرص العمل المتاحة لخريجي البترول، وانتشار الواسطة والمحسوبية في التعيين.
وغرد «محمد الربيعي» -أحد المتفاعلين مع الهاشتاج-، قائلا إن «مهندسي البترول في مصر عاطلين من 2013، وحتى الآن، وأن هناك 6 دفعات كاملة لم يتح لهم فرص العمل النزيه».
وفي تغريدة ثانية، قال أحد المتفاعلين مع الهاشتاج، إن «الهيئة العامة للبترول رفعت يدها عن التعيينات، وتركت الأمر لكل شركة، وأن التعيين متوقف حتى لأبناء العاملين».
وغرد آخرون، عن اضطرارهم للعمل في مهن أخرى، غير التي درسوها، مع فقدانهم الأمل في التعيين في مجال تخصصهم.
مهندسين بترول مصر عاطلين من ٢٠١٣ لحد دلوقتي،
٦ دفعات لم يتح لهم فرصة عمل نزيهة ،
وكل واحد شغال في حاجة تانية بعيدة عن مجاله لان المجال بايد الوزارة،
والوزارة مش سائله فينا والوسايط شغالة. #مهندس_بترول_عاطل #عايز_حقي_يا_وزير_البترول#عايز_حقي_يا_وزير_البترول
— Mohamed ElRabe3y (@elrabeeymohamed) March 10, 2019
#عايز_حقي_يا_وزير_البترول
الهيئة رفعت إيديها عن التعيينات و الأمر متروك لكل شركة و البداية بإعلانات امتحانات عجيبة و قارون و ستتابع الشركات في الإعلانات لحاجة العمل مع العلم أنه لا يوجد تعيين لأبناء العاملين بالقطاع منذ سنوات
والله الموفق للجميع
دفعة أمل لقادة مستقبل القطاع— mahmoud (@M___Abu) March 10, 2019
ذاكرنا وتعبنا وأهلنا تعبوا معانا ومنتظرنا نشتغل علشان نعمل حاجه فلله الامر من قبل ومن بعد .#عايز_حقي_يا_وزير_البترول
— Abdelaziz Mahmoud (@abdelaz91527301) March 10, 2019
– انت خريج/ة هندسة بترول !
— ايوة
– انت ايه اللي جابك هنا !
— اصل انا عايز اعمل career shift وحابب اشتغل في المجال ده(طبعا دي الجملة اللي كلنا بنقولها في اي انترفيو عشان بس نشتغل وخلاص, من جوانا بندعي على اللي ضيع مجهود سنين وحطنا في الموقف ده) #عايز_حقي_يا_وزير_البترول
— Samah Anwar (@P_smsma11) March 10, 2019
التعينات بقت بالواسطه وعلني كدا وعافيه فين الدوله من كل اللي بيحصل دا #عايز_حقي_يا_وزير_البترول
— Mohamed Fekry (@mfmohamed832) March 10, 2019
#عايز_حقى_يا_وزير_البترول
اللي احنا وصلناله ده نتيجة سكوت الناس على مدار الخمس سنين اللي فاتوا ، و احنا مش عايزين نكرر نفس الخطأ ده .
هيقولوا طبعا العدد كبير و لا يمكن استيعابه ، طب ليه متعملش امتحان هيئة من ٢٠١٤ و العدد كان أصغر بكتير ؟؟
وزارة البترول عملت ايه عشان تحل المشكلة ؟— mohamed karroum (@mohamed27675691) March 10, 2019
#عايز_حقي_يا_وزير_البترول
فين حقنا بعد متعبنا واتمرمطنا ودراسات عليا كمان واخرتها.. نشتغل مدرسين 😏😥— المشمهندسه 🍑🍑 (@Kh0l0ud_S0LiMaN) March 10, 2019
#عايز_حقى_يا_وزير_البترول احنا قفلنا الامبير في البلد دي ١٠٠٪ ثانويه عامه و جبنا، امتياز مع مرتبه شرف ف الكليه و جبنا و ف الاخر كله ف الفاضي…تويت الهاشتاج و ساعد صوتنا يوصل
— h0ssam (@h0ssammz) March 10, 2019
حرام لما يبقي عندك كمية الخريجين دول ومش لاقيين شغل وتروح تجيب عمالة من دول اسيا للمشروعات الجديدة ! ما تفتحوا امتحان الهيئة و تعينوا الناس دي ابسط حقوق الشباب انه يلاقي شغل بعد ماضيع شبابه كله في نظام تعليم فاشل #عايز_حقي_يا_وزير_البترول
— OMAR ™🔥 (@omarahmed__98) March 10, 2019
6 دفعات متخرجين وقاعدين من غير فرصة عمل في المجال بتاعهم الناس بتشتغل اي حاجة وكل حاجة بعيدة عن مجال دراستهم منتهى الظلم يعني لما خريج يطلع ميلاقيش حتى انترفيو في شركة بترول .. #عايز_حقى_يا_وزير_البترول
— Hanan Hassan (@HanaHassan77) March 9, 2019
