أطلق الفنان المصري عمرو واكد حملة لتشجيع رافضي التعديلات الدستورية على التعبير عن رأيهم، بأسلوب مختلف عبر حسابه الشخصي على «تويتر».
ودعا واكد رافضي التعديلات الدستورية بتوحيد «لون ملابهسم» أثناء الاستفتاء على التعديلات، لتوضيح الأعداد الكبيرة لهم أمام العالم بدلا من المقاطعة.
لو قلنا نوحد لون لبس الرافضين اللي هيشاركوا في الإستفتاء. إيه اللون الأفضل؟ يعني كلنا نلبس لبس لونه إيه عشان يبان للعالم كله حجم الرفض؟ المشاركة بالطريقة دي أقوي من أي مقاطعة.
— Amr Waked (@amrwaked) April 6, 2019
واقترح واكد على رافضي التعديلات الدستورية توحيد لون ملابسهم إلى الأسود رمزا للعزاء والحزن في الدول المتحضرة.
خلاص هنعتبره عزا في الدولة المحتضرة وهلبس أسود وهشارك وهقول لا. طوابير واضح فيها اللون الأسود كرسالة لأي مزور. دليل بصري واضح عن الأغلبية. ونصور كل الطوابير للرد على أي نتيجة تهين ذكائنا. مش هيمر التعديل!
— Amr Waked (@amrwaked) April 6, 2019
ودعا واكد رافضي التعديلات الدستورية إلى عدم الخوف من المخاطر الأمنية التي تلاحق فكرة الحملة والدفاع عن رمزية رفض التعديلات الدستورية أمام العالم.
في الإستفتاء اللي جاي لا الورق ورقهم ولا الدفاتر دفاترهم لأن أنا وانت الورق وموقفنا هو الدفتر الوحيد. أنا هنزل لابس سود أقول لا عشان أنقذ مصر. #حقكـعلياـياـمصر
— Amr Waked (@amrwaked) April 7, 2019
يعني إيه يتقبض عليك علشان لابس إسود؟ إيه الخوف الرهيب ده؟ عامة إنا بتكلم على نفسي وأنتم أدرى بإمكانيات شجاعتكم. لو أنا ما عنديش الشجاعة إني البس اسود يبقى مش هشتكي وأبقى أنا أول مذنب في حق نفسي بخوفي ده.
— Amr Waked (@amrwaked) April 6, 2019
ودافع واكد عن فكرة ارتداء الملابس السوداء الموحدة لرافضي التعديلات الدستورية، ذاكرا تجربة شعب التشيلي في رفض التعديلات الدستورية لتمديد حكم بونيشيه المستبد، والتي أثبتت ناجحها وفشل تمرير تعديل الدستور بعد وضوح حجم الرفض الشعبي له.
ثم إن دي مش فكرتي. دي حركة إتعملت في ديكتاتور تشيلي ونجحت. وكان اللون اسود. وأول واحد كتب عنها كان علاء الأسواني @AlaaAswany. ونجاح الفكرة دي في تشيلي موثق. وبينوشي كان ديكتاتور مغرور جدا. وما إتجددلوش. فكرة ناجحة ومهم نجربها.
— Amr Waked (@amrwaked) April 6, 2019
القبض على الناخبين إرهاب يفقد شرعية مرحلة الإستفتاء بالكامل لأنه إرهاب للناخب. وهو اللي داعيك تنزل تصوت. إنت حر تلبس اللي على كيفك. بلاش شغل لجان النظام ده وكلام خيال إفتكاسي. لو قبضوا على الناخبين يبقى الإستفتاء سقط.#حقكـعلياـياـمصر
— Amr Waked (@amrwaked) April 7, 2019
وتعرض واكد لهجوم كبير من مؤيدي السيسي بعد طرحه لفكرة معارضة التعديلات الدستورية بطريقة توحيد ارتداء الملابس السوداء لرافضي التعديلات الدستورية.
الهجوم عليا المصحوب بالصرع لمجرد أني اقترحت فكرة توحيد لون لبس الرافضين للون الاسود ما هو إلا دليل قاطع على ان فكرة المشاركة بالشكل الجديد ده الفاضح لهم هي فكرة مخوفاهم جدا. زعلانين إنهم مش هيعرفو يزورو 😂#حقكـعلياـياـمصر… https://t.co/Od8m7lChuN
— Amr Waked (@amrwaked) April 8, 2019
