كشفت إحدى مستخدمي موقع التواصل الاجتماعي «انستجرام»، قصة تحرش بعض لاعبي منتخب مصر لها، بينهم عمرو وردة على حسابها الشخصي.
ونشرت الفتاه وتدعى «ميرهان»، وتعمل موديل للعديد من البراندات العالمية، فيديو بخاصية «ستوري» على حسابها على «انستجرام» قالت فيه:
«استنوا عليا شوية النهاردة بس افضى وانزلكم حاجة هتسليكم جدا وهتحزنكم وتقرفكم برضو جدا بس ده الواقع اللي لازم نفهمه».
وأضافت: «والله يا جماعة أول امبارح ده كان يوم حافل، أول ما نزلت «ستوري» جديدة فجأة الناس دي ظهرت عندي».
وظهر في الفيديو حسابات عمرو وردة وأيمن أشرف وأحمد حسن كوكا ومحمود حمدي الونش، لاعبي منتخب مصر.
وكشفت ميرهان بالصور، أن اللاعب عمرو وردة قام بمحادثتها على الخاص وكتب لها «بوكسينج ها ها ها»، وأوضحت، أن اللاعب محمود حمدي الونش علق على البوست الخاص بها برسالة تحمل علامة الإعجاب يصحبها علامة قلب على الشات بينهما.
واستغربت الموديل من ظهور عدد من لاعبي المنتخب المصري لديها في نفس الوقت، ومع بدأ بطولة كبيرة ينافس المنتخب الوطنى على لقبها.
واستنكرت ميرهان تصرف أحد اللاعبين قائلة، «لحد كده كان عادي مفيش مشكلة، لكن واحد من الأساتذة يبعت يقولي أنا هعرف أجيب رقمك وانتى متعرفيش أنا مين وأنا محدش يطنشني دي بقى مش مظبوط».
وأضافت: «يا ريت الأساتذة يركزوا عالبطولة اللي الراجل الغلبان عندنا في مصر بيستلف ثمن الشاي عشان ينزل يتفرج عليكوا ده ما يجيلوش جلطة».
وحذرت الموديل، من إبداء الإعجاب لصور المنتخب، قائلة: «يا جماعة خدوا بالكم قبل ما تتجرأوا وتعملوا لايك لصورة المنتخب، واضح إن اللعيبة سايبة البطولة وقاعدين عالانستجرام بيتفرجوا. مجال مقرف فعلا».
وقامت ميرهان بمسح الفيديو من حسابها الشخصي، بعد انتشاره بشكل كبير على موقع «انستجرام».
وأغلق اللاعب عمرو وردة حسابه الشخصي على موقع «انستجرام»، بعد الانتشار الكبير للقصة على مواقع التواصل الاجتماعي، بالتزامن مع مشاركته مع المنتخب في كأس أمم أفريقيا.
وقالت ميرنا أبو النجا، زوجة أيمن أشرف عبر خاصية قصص انستجرام لديها، إن العديد لفت نظرها لتلك القصة وقد اختارات الرد بأن ما حدث «زلة» تحدث مع الكثير من الشباب، مضيفة: «مش مصدقة أن مفيش شباب بتكلم بنات على فيسبوك وانستجرام».
واضافت «ميرنا»: «اللي يخصني هو جوزي والموضوع أن البنت عايزة تتشهر على حساب لاعبي المنتخب»، مشيرة إلى «أنه من الأولى التركيز على أداء اللاعب والمطلوب منه داخل الملعب فقط لا غير».
وبخصوص اللاعب أيمن أشرف، أوضحت الموديل «ميرهان»، أن اللاعب لم يحاول التحرش بها على الإطلاق وأنه بريء من هذه الاتهامات ولم يحدث سوى مشاهدته للقصة فقط.
وتابعت: «للتوضيح أيمن أشرف لا بعت رسايل ولا حاجة أبدا.. الراجل شاف الاستوري عندي وخلاص عشان كدا اسمه طلع عشان محدش يقول كلام أنا ماقولتوش».
