أثارت العقوبات التي فرضها الاتحاد المصري لكرة القدم على لاعبي الأهلي والزمالك غضبا واسعا على مواقع التواصل، فيما أطلقت جماهير الأهلي عدة هاشتاجات للتعبير عن غضبهم.
وألحقت لجنة الانضباط والأخلاق بالاتحاد المصري لكرة القدم عقوبات وغرامات كبيرة بلاعبين وإداريين بعد مباراة السوبر المصري التي أقيمت بالإمارات وشهدت اشتباكات على أرض الملعب، قبل تتويج الزمالك بلقب السوبر على حساب الأهلي بركلات الترجيح.
وأشعل جمهور النادي الأهلي موقع تويتر بعدة هاشتاجات احتلت قائمة الأكثر تداولا على تويتر، منها: #عاوزين_حق_الاهلي_يا_خطيب و #جمد_النشاط_يا_اهلي، كما تصدر هاشتاج #قاطعوا_بنكCIB الأكثر تداولا في مصر.
وطالبت جماهير الأهلي بمقاطعة بنك CIB الذي يعمل به «أحمد الجنايني» رئيس اللجنة الخماسية لإدارة اتحاد الكرة، وذلك بعد إيقاف لاعب النادي الأهلي الدولي محمود عبد المنعم «كهربا» حتى نهاية الموسم، فيما تم محمود عبد الرازق «شيكابالا» لاعب الزمالك 8 مباريات فقط، مع تغريم كل منهما 100 ألف جنيه.
وكان قد قرر الاتحاد أيضا إيقاف إمام عاشور لاعب الزمالك وأحمد زاهر إداري الزمالك حتى نهاية الموسم، وفرض غرامة مالية قدرها 100 ألف جنيه على كل منهم.
كما تم إيقاف عبد الله جمعة لاعب الزمالك 3 مباريات وغرامة 50 ألف جنيه، بالإضافة الى كل من ياسر إبراهيم وجونيور أجاي لاعبي الأهلي مباراتين وغرامة 50 ألف جنيه لكل منهما.
وقرر الاتحاد منع مرتضى منصور رئيس نادي الزمالك من المشاركة في أنشطة كرة القدم 3 مباريات وتغريمه 200 ألف جنيه.
الأهلي فوق الجميع ، لو هي بفكرة استغلال النفوذ جمهور الأهلى قادر يوقف حال اي حد #قاطعوا_بنكCIB
— HOSNY ♠️ (@REDVITCH) February 23, 2020
لو مش قد المقاطعه متطلعش تظيط وتطلب حد يجيب حقنا!!
احنا بنطلب م الخطيب يجيب حق النادى بقرارات حاسمه طيب واحنا هنتفرج؟ #قاطعوا_بنكCIB— moataz (@mo3tazmeezo) February 23, 2020
تاريخ الاهلي اكبر منك ياجنايني ومن مأمراتك المفضوحه ضدده من اول الموسم واخرها بتعقبه عشان كهربا مضي للاهلي يا رئيس اتحاد فاسد #قاطعوا_بنكCIB
— الأهلي تاريخ 1907🦅🔴⚽ (@tarkhalahly72) February 23, 2020
نهاية الفيلم الهابط ده هو اخذ قرار بتجميد النشاط الرياضي وانا مع كده وبالتالي يتأجل الماتش وهو ده الغرض الرئيسي من العقوبات وبعدين تدخل لجنة التظلمات وتخفف عقوبة لاعبي الاهلي ورأيي نلعب الماتش وبعدها نجمد النشاط. #عاوزين_حق_الاهلي_يا_خطيب
— مجانص (@GRU7WHb8gj3BkTA) February 23, 2020
المره دى مينفعش فيها السكوت
سيبك من الاحترام اللى واخده على طول الخط يا خطيب
لازم موقف
ان شاالله حتى منلعبش الدورى
#عاوزين_حق_الاهلي_يا_خطيب#الأهلى#الزبالك— mohamed ali ( mohamed halim ) (@modyeast) February 23, 2020
الاتحاد منع مرتضي منصور من حضور مباريات الفريق ، احنا بصراحة مش عارفين هو قبل كدة كان ممنوع اساسا و لا لا ؟ حاجة كدة زي قانون الطوارئ ، مش عارفين هو اتجدد و لا لسه و لا شغال و لا ايه #جمد_النشاط_يا_أهلي #عاوزين_حق_الاهلي_يا_خطيب
— المرحوم عادل ادهم (@bedosa3d1) February 23, 2020
