شبكة رصد الإخبارية
follow us in feedly

العباءة ممنوعة.. كافيه يثير الغضب على مواقع التواصل

تداولت مواقع التواصل الاجتماعي قضية تعرض مجموعة من الفتيات، خلال اجتماع عمل، للطرد من مطعم في منطقة التجمع الخامس بالقاهرة يدعى Hookah Lounge، في شارع التسعين.

جاء الطرد بسبب وجود فتاة بينهن ترتدي عباءة وحجابا مما أثار غضبا عارما على الكافيه الذي يتعنت ضد ملابس محددة.

وقالت دينا حشيش مديرة الفتيات: “الواحد كان فاكر إن لسه شهر على خناقة البوركيني والتشنج الطبقي، بس أنا افتتحت الموسم بأول قصة، أنا وفريق الشغل قررنا نعمل ميتينج مهم في التجمع في كافيه الصبح، وحد اقترح علينا كافيه شيشة بسيط في شارع التسعين”.

وأضافت على حسابها على موقع فيس بوك: “بدأنا الميتينج وكنا 5 بنات كل واحدة فينا شكل، البلوند، أنا، محجبات بأشكال مختلفة، مجموعة diverse زي إعلانات Benetton، إحنا تيم كونتنت بنكتب لـ 1.7 مليون فولورز، وأحلى حاجة فينا اختلافنا، لأننا بنوصل لكل متابعينا مهما كانت خلفيتهم”.

وقالت: “وبعد ساعتين جت آخر بنت بدموع في عنيها من الإحراج وبتقولنا مش هقدر أحضر الاجتماع مش عايزيني هنا علشان لابسه عباية ودي مش أي واحدة في فريق الكونتنت، أنا بقولها أنا هتبناكي من كتر حبي وإعجابي بيها”؟

وقالت:”كلنا وقفنا مع صاحبتنا وساندنا اختيارها في لبسها و مشينا ورحنا Casper &Gambinis اللي هو أشيك وأنضف وأغلى ولا إنسان بصلنا”.

وأضافت:”ده Sachi و Crimson بشوف فيهم محجبات مش عايزة أفاجئ hookah بس أنتم بتوع شيشة مش بار ولا club فمشكلتك مع اللبس غير مفهومة”.

وقالت: “أتمنى من مدير Hookah إن تشوفوا دكتور ممكن يساعدكم في حل مشاكلكم النفسية، العلاج النفسي مش عيب ده بينور وبيساعدنا نتقبل أما بالنسبة لمشكلتكم في الmarketing وال brand development ف دي الخطوة التانية”.

 



X

تنفيذ و استضافة وتطوير ميكس ميديا لحلول الويب تنفيذ شركة ميكس ميديا للخدمات الإعلامية 2020