أعلنت الفنانة حلا شيحة رفضها عرض أي مشاهد فنية لها وآخرها كليبها المشترك مع المطرب تامر حسني وأكدت أن تلك المشاهد حرام شرعا.
وانتقدت الفنانة المصرية حلا شيحة الفنان تامر حسني بعد تجاهله لها وطرحه فيديو كليب “بحبك” من فيلم “مش أنا” والذي يتضمن مشاهد رومانسية تجمعه بها، رغم أنها أعلنت براءتها من أعمالها الفنية.
وتصدر هشتاج #حلا_شيحه مواقع التواصل وسط حالة من الجدل بين المؤيدين والمعارضين لبيانها خاصة من الفنانين والمخجين الذين هاجموا قولها إن الفن فيه حرام وتجاوزات شرعية.
#حلا_شيحه
تنصح الفنانين بالتوبة من الفن الحرام،قياساًع موازين الآخرة لاالدنيا،
إعلام البلح اللي عملت أفراح لما(حلا) رجعت للتمثيل و خلعت الحجاب،الآن يهاجمونها،وطبعا #الدبابة_إلهام_شاهين استشاطت غضباً منها،
طيب #تامر_حسني قال زمان لجمهوره:
أمنيتي أن أترك الغناءولاأموت وأنا أغني— Ayman Azzam (@AymanazzamAja) July 15, 2021
#حلا_شيحه
بعد ماصورت الفيلم واخذت الأجر والفلوس طالعة تعترض على المشاهد اللي صورتها برغبتها وتوجه نصائح للفنانين وتلوم #تامر_حسني
دا مش منطق سليم يا #حلا_شيحة
تتوبي تعتزلي انت حرة بس بعد ماتقبضي الفلوس وتصوري تقولي انا ندمانة تبقى دي حاجة بينك وبين ربك مش بينك وبين الناس— أسامة خواجي (@o_s_mk) July 15, 2021
#حلا_شيحه
ياشيخة اقعدى مشاهد أية ورومانسية أية انتى بتعرفى تمثلى اساسا أنا مش عارف اية اللى رجعك دة انتى دمك واقف ومبتعرفيش تمثلى اساسا pic.twitter.com/KDoXo8bHRL— Nabil Ashraf (@NabilAshraf19) July 15, 2021
#حلا_شيحه
اول مره اهتم بحاجه زي كده
بس من كان منكم بلا خطيئه فليرجمها بحجر اولا— Eng Islam Gaber (@MoradAlemdar313) July 15, 2021
https://www.instagram.com/p/CRVaQ1mtKfv/?utm_medium=copy_link&fbclid=IwAR3PEuDfAW_hdzXmjEUA-mnyLIF9-mxHXtdmsutTIWp0R0VcItGPfL2JRlg
https://www.facebook.com/TamerHosny/posts/354918259338194?__cft__[0]=AZWC5nfZ7VGOjUMbdAFmMCipLouAeb1dvBHqx9-Bky4LKz5nNDmPvURGRotGB8g_kjJSoLSw3Y4wxlJSe1fWA5UKMkn9lE-IwY_c6VYBLMfWU8pokzMkuCzthlB705ZjShf4I6Km36FyZT9BPPuCl8kD&__tn__=%2CO%2CP-R
وقالت شيحة عبر صفحتها على موقع انستجرام: “أنا مش هتكسف من حد أنا تبت من المشاهد دي و هي لا تصح وأنا غلطت و بصلح وأهم حاجة أن ربنا يرضى عني لأن في الآخر ده اللي حينفعنا مش الشهرة، الفن لو بيخلينا نبعد عن منهج ربنا يبقي باطل و ميبقاش فن”.
وأضافت:”أنا اتفاجئت جدا ًبنزول كليب يجمع فيه مشاهد متفرقة من الفيلم و في أيام ذي الحجة أيام مباركة و خصوصاً بعد آخر بوست نزلته و وضحت فيه أنا إيه، واتفاجئت أكثر خصوصا ًبعد وعد تامر حسني ليا وتأكيده أنه هيحترم رغبتي و بعض الطلبات اللي طلبتها منه بكل احترام وود الصيف اللي فات و أكدلي أنه هيحترم رغبتي”.
وأوضحت:”أحنا يمكن نجحنا بمقايس الدنيا بس صدقوني بمقايس ربنا أحنا لم و لن ننجح أنا عارفة و متأكدة أن زملائي جواهم خير بس للأسف فتنة الشهرة و النجاح مش بتخلينا نشوف ونقيس الأمور صح”.
وقالت:”بتكلم من قلبي الكليب ده ميرضيش ربنا و أنا عيطت لاني شفت نفسي في المشاهد دي دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة أننا بنغفل و بننسى” .
وختمت حديثها:”الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن، إحنا كلنا عندنا امتحان في الدنيا دي و حابة افكرك بالفيديو ده يا تامر اللي قولت فيه انا مش بتمنى أموت وأنا مطرب أنا دايما خايف من كده.كلام أكيد قولته في لحظة صدق جواك و جوانا كلنا”.
