حذّر عبد الفتاح السيسي، الخميس 9 مارس 2023، المصريين من الإقدام على تخريب البلاد، وتكرار ما حدث عام 2011، في إشارة إلى ثورة 25 يناير، لافتاً إلى أن تكاليف الحرب ضد “الإرهاب” في محافظة شمال سيناء كانت ضخمة جداً، بنحو مليار جنيه شهرياً، لمدة 90 شهراً.
جاء هذا خلال الندوة التثقيفية الـ37 للقوات المسلحة، بمناسبة الاحتفال بيوم الشهيد والمحارب القديم، وقال السيسي إن “ما حدث في مصر بين 2012 و2013 كان يهدد بدخول البلاد في حرب أهلية، لكن الله قدر أن ينجينا منها”، مشيراً إلى أنه من الظلم تقييم أداء الدولة من خلال الأزمة الاقتصادية الحالية والقياس عليها، معتبراً أن الأوضاع في 2012 كانت أسوأ من ذلك.
السيسي أضاف: “دولة بها 100 مليون وخمسة، و6 مليون ضيوف، محتاجة جهد وتضحية، المعركة بدأت معاهم وكان كتير مننا يقول إمتى تخلص، وكنا عارفين إنها هتخلص بفضل ربنا، إحنا مش بس هنعمل احتفالية في سيناء، لأ ده إحنا كمان هنعمل معرض للحرب دي، هنوريكم الحاجات اللي بقيت، اللي هم كتير قوي، من سلاح، زخاير، أجهزة اتصال، وكل ما تعنيه من أدوات حرب، الموضوع هناك مكانش بسيط”.
وتابع: “الناس متعودة تشوف الحرب اللي هي دبابات وطيارات، زي الحروب التقليدية، بس الحرب دي كانت أكثر شراسة، العدو التقليدي أنت عارفه وبتشوفه، وبتقدر تتعامل معاه، لكن ده مش بنشوفه ومستخبي وسطينا، وبخسّة وجبن يهاجمك ويجري، وطبعاً الناس موجوعة على ولادها ومستقبل بلادها، المعرض ده هنوريكم صور بالاسم لكل اللي كانوا مجرمين هناك، بالاسم والصورة”.
وأردف السيسي: “إوعوا يا مصريين الموضوع ده يتكرر تاني.. إوعوا تتسببوا مرة تانية في خراب بلادكم، الكلام ده اتعمل لما البلد فكّت في 2011، وهفضل أكررها ليكم وأحاسب أمام الله على هذا الكلام، الكلام ده حصل لما البلد فكّت في 2011، علّموا الكلام ده في المدارس والإعلام والكليات، ده فكر لتدمير البلاد”.
