قال السيسي تعليقا على شكوى المواطنين من انقطاع التيار الكهربائي: “لو قمنا بتحصيل الثمن الحقيقي لتكلفة الكهرباء لضاعفنا سعر الاستهلاك مرتين”.
جاء ذلك خلال مداخلة للسيسي على هامش افتتاحه مشروعات تنموية وزراعية جديدة في جنوب الوادي بحضور العديد من الوزراء والمسؤولين.
وأوضح السيسي: “أنا لو أخدت ثمن الكهرباء الحقيقية سأضاعف ثمنها مرتين، طيب الغلبان هيروح مني فين؟، أقطع الكهرباء ولا أغليها؟، وأغليها أد إيه؟، اللي بيدفع جنيه هيدفع جنيهين أو ثلاثة لو أخذت الكهرباء بتكلفتها حاليًا، لو المواطن بيدفع 100 جنيه شهريًا هأخد منه 300 جنيه شهريًا بتكلفتها حاليًا”
وأضاف: “طب إحنا بنعمل كدة؟، لأ.. أنا أتحمل المسؤولية أمام الله قدامكم، ولو مش عاوز أقطع الكهرباء خالص لازم أخلي ثمنها مثل ثمنها الحالي مرتين أو ثلاثة”.
وقال: “ممكن الكهرباء تشتغل 24 ساعة طبعًا، المحطات موجودة ونستطيع، لكن النهاردة عشان يتم توفير الوقود ليها لازم وزير الكهرباء يدفع فاتورته، فهيجيب منين؟، فيضطر إن الأمور تمشي كدة، حسب حجم الوقود الذي يصل له وقدر الدعم الذي يصل له، وإحنا ممكن نشغلها 24 ساعة و48 ساعة، بس بكام؟”
