وجه أدمن صفحة "الفريق أحمد شفيق" على موقع الفيسبوك تساؤلات لحركة التمرد التي تقوم بجمع توكيلات لسحب الثقة من الرئيس محمد مرسي.
وقال أدمن الصفحة في تدوينه له اليوم (الخميس): "سؤال برئ لبتوع حملة تمرد …..لو الـ 15 مليون وقعوا علي الوثيقة ومنهم ملايين انتخبت شفيق …ويكونوا هما السبب في مشيان مرسي أصلا ….زى ما كانوا هما السبب في نجاح يوم 4 ديسمبر…اللي بوظته حركات ثورية والتفت عليه وركبته تاني ..كالعادة …لما بقي مرسي يمشي ..ونرجع نعمل انتخابات رئاسية وننتخب شفيق …حتقولولنا زفت وهباب وفلول تاني؟".
وأضاف أدمن الصفحة: "يعني ننجحلكم أم الحملة بتاعتكم وبعدين تتمنظروا علينا وتقسموا مصر ثوار وفلول تاني ؟ مع العلم إن اللي انتخب شفيق فيهم ملايين مكانوش بيحبوا مبارك وشايفين شفيق راجل محترم ووطني وكفء …عاوزين الخلاصة مم الأخر بقي هيا حملة تمرد دي حملة تجهيز حمدين واللا أيه ؟.. المهم أنا شخصيًا بأيد حملة تمرد ولكني متوقع منهم نكران الجميل للأسف …كالعادة.
يذكر أنه ليس هناك أي صفحة علي الفيسبوك تتحدث باسم الفريق أحمد شفيق لكنها أحدى أكبر الصفحات الداعمة له على موقع "الفيسبوك".
