طلب د.وائل غنيم –الناشط السياسي ومؤسس صفحة كلنا خالد سعيد- من الرئيس مرسي تقديمه لاستقالته حقنا للدماء خاصة مع الأخطاء الكثيرة التي ارتكبها مرسي خلال عهدة .
وقال غنيم:"السنة اللي فاتت وقت إنتخابات الإعادة المرشح د. محمد مرسي خرج بمجموعة من العهود للشعب المصري علشان يكسب أصواتهم، الوعود ديه فعلا فرقت معاه بدليل إنه كسب بفرق ٢٪ بفضل الناس اللي النهاردة كتير منهم بيتقال عليهم عملاء للغرب وكارهين للدين".
واضاف:"وبعد الانتخابات بتلات أيام، حضرت "إجتماع فيرمونت" مع الرئيس قبل إعلان النتيجة الرسمية لما كان الإخوان خايفين من تزوير النتيجة فقرروا يؤكدوا على التزامهم بوعودهم، الرئيس يوميها وعدنا إنه هايكون رئيس لكل المصريين وأكد التزامه بشعاره الانتخابي: "قوتنا في وحدتنا"، ولكن للأسف بعد سنة الواقع بقى: "قوتنا في جماعتنا"".
وقال:"كنتيجة لكل ده بقينا في أزمه سياسية نتج عنها تفاقم في الأزمة اقتصادية صحيح النظام الحالي ورث مشاكل الاقتصاد من النظام اللي قبله ولكن بسياساته الخاطئة ساهم في زيادتها بدلا من علاجها. أزمات زي ارتفاع الأسعار وانخفاض الجنيه قصاد الدولار وتبخر وعود المائة يوم بتاعة الأمن والكهرباء والبنزين بعد 365 يوم".
وأضاف:"سوء الأوضاع الاقتصادية وصل إن مؤيدي الرئيس بيعتبروا خبر اقتراض مصر من دول تانية خبر مفرح برغم إن القروض دي هيدفع تمنها أبناءنا وأحفادنا.وبدل الاعتراف بالأخطاء، بنلاقي نظريات مؤامرة لتبرير الفشل وكلام عن إنجازات وهمية".
وأشار:"الأخطر والكارثي من كل ده الانقسام اللي وصلناله. الخطاب الإقصائي والكراهية والتحريض ومباركة العنف واستحلال الدم والاقتتال الأهلي بين المؤيدين والمعارضين زي ما حصل في الاتحادية والمقطم وكتير من المحافظات أصبح ظاهرة خطيرة في المجتمع. مفيش بلد بتتقدم والمجتمع منقسم بالشكل ده ودور رئيس الجمهورية الأساسي هو توحيد الصف. وللأسف د. مرسي رئيس الجمهورية فشل في تحقيق ده".
وختم كلامه قائلا:" كل صوت انتخبك معتقد أن "قوتنا في وحدتنا" إنت النهاردة خسرتهكل صوت انتخبك مؤمن بأنك هتكون رئيسا لكل المصريين لا لأهلك وعشيرتك والمؤيدين لك إنت النهاردة خسرتهكل صوت انتخبك مؤمن إنك هتوفي بوعودك الانتخابية إنت النهاردة يا د. مرسي: أوقف الفتنة التي نحن على أعتابها لله وللوطن: وأعلن استقالتك قبل يوم 30 يونيو".
