هدد التراس أهلاوي في بيان رسمي له بالنزول للشوارع بقوة والتظاهر ضد النظام الحالي مثلما كان يفعل قبل مجزرة بورسعيد وأنه سيسبب للنظام الحالي صداع لن يقدر على تحمله مؤكدا أن الداخلية تحاول جر الألتراس خارج المدرجات بالاستفزازات المتكررة والاعتقالات غير المبررة .
وبحسب ما ذكرته الصفحة الرسمية:"أولتراس أهلاوى عمره ما هيكون على هوى أي نظام لأنها كانت وهتفضل بعيدة عن أى استقطاب سياسى ومن بعد قضية شهداء مجزرة بورسعيد والمجموعة فى مكانها الطبيعى داخل الاستاد واذا كان للمجموعة موقف هيكون مع الحق فى الدفاع عن الحرية اللى مش على هوى الكثيرين".
وحول اعتقال بعض اعضائها بتهمة الشغب قالت المجموعة:"القضية كلها سياسية القصة كلها محاولة كسر الجروب ودة مش هيحصل حتى فى احلامكم اولتراس اهلاوى قوتها مش فى قياداتها المجموعة قوتها فى اعضائها قوتها فى ايمانهم بفكرة عمرها ما هتموت بموت 74 ولا هتتحبس بحبس 25".
وأضافت :"الاولتراس مكانها المدرجات واذا كنتوا بتحاولوا تجروها للشارع تأكدوا انها هتسبب صداع مزمن ليكم مش هتكونوا قادرين على تحملة".
وانتهى البيان بالدعوة لمظاهرة اخرى حاشدة يوم الاربعاء:" تقرر تجمع المجموعة وجمهور الاهلى والمتضامنين مع القضية يوم الاربعاء القادم 6 نوفمبر امام النادى الاهلى بالجزيرة الساعة 12 ظهرا للتحرك بمسيرة اخرى ".
