صهيب عماد محمد محمد 15 سنة اعتقل فى 11 فبراير 2014 ولفقت له سلطات الانقلاب تهمة "الانتماء لجماعة محظورة وإتلاف سيارات الشرطة وتعطيل أحكام الدستور" رغم صغر سنه .
شبكة "رصد" الإخبارية التقت والدته لتروى لنا تفاصيل اعتقاله .
من أين اعتقل صهيب ؟؟
من منزله بعد العشاء.
ما هى التهم الموجهة له ؟؟
تكوين عصابة " الاولتراس" لمواجهة الضباط ومقاومتهم بالسلاح – الانتماء لجماعة الإخوان المحظورة – اتلاف سيارات الشرطة وحرقها – حيازة لابتوب – الاعتداء علي الحرية الشخصية للمواطن – تعطيل أحكام الدستور – منع مؤسسات الدولة من القيام بعملها .
ما سبب اعتقاله ؟؟
مفيش سبب تقريبا غير لو هم اعتقلوه بسبب نزوله المظاهرات وانه بيطالب بحق صاحبه أسامة اللى استشهد يوم 25 يناير اللي فات.
كيف يتعايش مع هذا الوضع ؟؟
بالرغم من صغر سنه إحنا لقيناه رغم صغر سنه ده صابر و صامد و هو شايف إن ده ابتلاء لازم يصبر عليه و إحنا بنروحله زيارة يومين في الاسبوع و بنديله اكل وهدوم والكتب بتاعته عشان مذاكرته هل هناك تطورات في القضية هو لما اعتقل فضلوا يستجوبوه ثلاثة ايام وبعدين عرضوه علي النيابة واتجددله 3 مرات 15 يوم وبعدين 45 يوم واتجدد له النهاردة 45 يوم للمرة الثانية.
كيف يعامل داخل محبسه خصوصا أيام امتحانه ؟؟:
نظرا لصغر سنه وبراءته بيتعامل كويس مفيش حد بيضايقه أوى لكن بالنسبة للمذاكرة فمفيش جو للمذاكرة خالص جوه
هل أدى جميع امتحاناته .؟؟
هم رحلوه لقسم تانى عشان يمتحن و بدأ امتحاناته يوم 3/5 وبيمتحن كل يوم سبت واثنين وأربعاء وأدى جميعها بفضل الله.
هل يعانى من اى شكاوى من داخل محبسه ؟؟
تكدس الزنزانة والحر الشديد ومفيش مكان للتهوية حتى .
هل يعانى من ازدحام المكان ؟؟
كما قال البعض آه جدا لان الزنزانة اللي هو فيها في سجن دكرنس صغيرة جدا وفيها 49 شخص! !! واستنكرت امه ذلك وقالت إن جميع أهالي معتقلين دكرنس يعانون من الاستياء الشديد بسبب ذلك
كلمة أخيرة توجهينها لصهيب؟
ندعو الله أن يثبته فى محنته وان يلهمنا وإياه الصبر ونحتسب الأجر عن الله عز وجل وندعو الله أن يتقبل منا ومنه وان يجعله فى ميزان حسناته بإذن الله وسوف يأتى اليوم الذى نقف فيه أمام المولى عز وجل ليأخذ كل مظلوم حقه ونتوعد ذلك اليوم عند الله (فعند الله تجتمع الخصوم)، ندعو الله فى كل الصلوات ونثق فى قدرته عز وجل على الانتقام من الظالمين وان يرد الحق إلى أصحابه فانه يمهل ولا يهمل..
طلبنا من والده ماذا توجيه رسالة له فقال: ندعو الله أن يكون بجانبه فى محنته وان يلهمنا واياه الصبر والإيمان لقد ربيناه منذ صغره على حب الدين والتعلق بالله والجهاد فى سبيله ولن يزيده الاعتقال إلا إيمانا نعلم أن هذه المحنه هى اختبارا من الله عز وجل فان الله إذا أحب عبدا ابتلاه ندعوا الله ان يقويه وان يثبت إيمانه ويحتسب ولدى ذلك عند الله فلكل ما نوى إنا لله وإنا اليه راجعون وعند الله تجتمع الخصوم وسيجزى الله كل امرئ بما عمل واعد للظالمين عذاب اليم.
بسؤال إخوته عنه قالوا : عمرنا ما فكرنا فى يوم إن ربنا يختار صهيب للابتلاء الصعب ده و نظن خيرا في اللى حصل ده و ان ربنا بيصنعه على عينه .. وبنشعر بالفخر كونه أخونا وهو الآن بفضل الله أحسن في العبادات الصلاة ومواظبة قراءة ورد القران وقيام الليل .. اتغير كتيير لﻷفضل الحمد لله بسبب الابتلاء اللى هو فى منحة جوا محنة .. مستنين رجوعه سالم غانم بضحكته و رخامته و هزاره معانا وان شاء الله يكون ده في ميزان حسناته وبندعو الله يثبتنا ويصبرنا ﻷن مهما كان دى حاجة صعبة بالنسبة لنا.
وفى نهاية حوارنا معها قالت والدته: صهيب قالي مرة أثناء زيارته : لما اتهمونى بالمولوتوف و اتهامات باطلة تانية وانا بقرأ سورة يوسف "و جاؤا على قميصه بدم كذب قال بل سولت لكم أنفسكم امرا فصبر جميل والله المستعان على ما تصفون " حسيت أن الآية دى ليها علاقة بالقضية بتاعتنا و بحاول اصبر خالص و الله المستعان و كمان ف اية " و لئن أذقناه نعماء بعد ضراء مسته ليقولن ذهب السيئات عنى انه لفرح فخور " تفائلوا الخير تجدوه .. و إن شاء الله يجيلى نعماء بعد الضراء اللي أنا فيها.
