قال مهند جلال، مصور فيلم "المندس" الوثائقي، إن الفيلم عرى الجميع وكشف أن كل الأطراف أغبياء فلا يجوز أن يلوم طرف أخر بسبب خطأه الذي مكن الدولة العميقة من السيطرة على مصر.
وأضاف جلال على حسابه الرسمي على "فيس بوك":"أنا ليا تعليق سريع وبعدين هبقى أستفيض … للناس اللى عمالة تتخانق مع بعض وأنا هنا بتكلم عن اللى يقال أنهم فى الصف الثورى من ناحية، ومن ناحية أخرى اللى بيدعموا وبيبرروا لمرسى سذاجته إليكم الآتي سريعاً".
وأضاف:"مش معقولة وإحنا على حافة الهاوية نقعد نتخانق مين غلطان ونفرح فى بعض … الفيلم وان كنت مذهول من رد الفعل لكن عرى الكل من أول اللى عاملين ثوريين وحلفتلهم ميت يمين أن الفلول معاهم فى الميدان ومصدقوش، لحد اللى بيأيدوا الإخوان بدون تفكير يا جماعة #كلنا_أغبياء أرجو نقطة صمت وتفكير وتركزوا فى الخيبة اللى إحنا فيها".
