بعث المعتقل محمد صلاح سلطان برسالة من داخل محبسه -اليوم الاثنين- والذي يوافق اليوم الـ 226 من إضرابه عن الطعام، حيث كانت رسالته بعنوان "الشماتة!".
يقول محمد سلطان- في رسالته- "لغة الشماتة والمزايدة غير مقبولة لا إسلاميًا ولاعربيًا ولا أصوليًا ولا إنسانيًا… مينفعش تدوس على واحد وهو مكسور وتقلي أنت صاحب دعوة ولا أنت حقوقي!، كلو عايز يعيش في الماضي علشان يهرب من الواقع ويلوم غيره.. الكل غلط وكلو دفع التمن وزيادة.. والصراحة إن الشهداء اتقتلوا بنفس الرصاص.. وإن المعتقلين جوه بيتقفل عليهم من نفس السجان بدون مايفرق فكره ايه ولا انتماءه ايه!".
وأضاف: "الغريب إن كلو عنده يقين إن نجاح الثورة لازمله وحده الصف الثوري كاملًا، ولسه عندك ناس بتتكلم باسم الشهداء والمعتقلين وتشير بوستات زمان وحاطه عينيها على المراية الخلفية ومش قادرة تبص لقدام…والعسكر… الهدف عنده واضح، انت في معسكر الثورة وبتهدد مصالحه. هو حاططنا كلنا في معسكر وعمال يموت ويعتقل فينا وفي إخواننا وبناتنا..".
وتابع سلطان في رسالته: "واحنا بالصلاة عالنبي كل واحد عامل لنفسه معسكر داخل المعسكر ورافع رايته..كلو غلط وكلو لازم يعمل مراجعات… كفاية تخوين كفاية شماتة كفاية تفرقة.. لازم المصالحة داخل البيت الثوري…لازم نضحي ونسامح بعض، لازم عشان مصر عشان الثورة.. عشان منكنش أغبى جيل ف التاريخ، كان الأغلبية وساب شوية عواجيز يسرقوا ثورتهم ويحطموا مستقبلهم..".
واختتم بقوله "مصر الثورة حرة بشبابها وبشعبها…تحيا الثورة وبس"
