يعاني سكان غرب الأسكندرية من الانقطاع المتكرر للتيار الكهربي، حيث أثارت سخط الشارع السكندري، بعد توقف الانقطاع لفترة، كما يتسبب الباعة الجائلين الذين يسرقون التيار الكهربي من الكابلات العمومية سخطًا أكبر للأهالي.
فيقول "أحمد حسن": "والله أحسن خلاص جبنا أخرنا بعد ما قالوا مش هتقطع تاني، رجعت أكتر من الأول حكومة فاشلة مش عارفة تعمل أي حاجة خالص".
وأضافت "رجب أمين": "عشمونا بالوهم وخلاص، وقالوا كل حاجة اتحلت القطع رجع تاني، والمصيبة بيقولك رشد الاستهلاك، رشد الاستهلاك هو فين الاستهلاك ده عشان نرشده".
فيما أردفت "حنان إسماعيل" قائلة: "الحكومة اللى مش عارفة تعمل حاجة تيجى تشوف البياعين اللى سرقين الكهرباء من الكبلات وبتشغل بيها اللمبات فى عز النهار، لأن عارف إن مفيش حد هيكلمها لا حكومة ولا غيره وفالحين بس يقطعوا الكهرباء علينا احنا".
هذا وأفادت "أميرة محسن": "بصراحة أنا مش عارف أقول إيه، احنا فين بالظبط، الحكومة بتطقع الكهرباء علينا فى البيوت، تنزل الشارع تلاقى العواميد بتاعت الشارع منورة بالنهار، طيب أنهى عقل يقول إن فى أزمة قبل الأزمة فى سوء إدارة من حكومة فاشلة".
