أكد الدكتور عبد الحي عزب، رئيس جامعة الأزهر أن أي طالبة ستخرج عن النظام في المدينة الجامعية سيتم طردها، قائلًا: "مفيش طالبة تفتح بؤها، وإلا تاني يوم المدينة هتبقى بره في الشارع".
وأوضح عزب ردًا على سؤال أحمد موسى، خلال مداخلة هاتفية في برنامج "على مسئوليتي"، حول الطالبات اللاتي يخرجن ويقطعن الطريق: «معندناش، معدش الكلام ده، وأقصى حد كلهم كانوا 50 طالبة يوم المدينة ما فتحت، تاني يوم طلعوا بيخوفوني، كانوا على طول اللي اتمسك منهم شوية واتفصلوا.. والمدينة عندي الطالبات شغاله اهيه الحمد لله مفيش طالبة بتفتح بؤها".
وأضاف: "أنا سكنت لحد دلوقتي 5 آلاف طالبة، وبمر على المدينة بليل أو بالنهار، مفيش طالبة بتخرج عن النظام، ولو طالبة خرجت عن النظام هتتفصل تاني يوم، ولو المدينة كلها خرجت عن النظام همشيهم تاني يوم.. لو خرجوا عن النظام تاني يوم كل المدينة هتبقى برة في الشارع".
واستطرد قائلًا: "أنا محذر الطالبات لو لقيت طالبات بتعمل حاجة يبلغوني كمان منهم فيهم، وإلا كله هيبقى بره".
