اشتكى أهالي محافظة بني سويف، من القمامة المتراكمة والمترامية في الشوارع، مع غياب عمال النظافة، وتجاهل المسؤولين للمشكلة.
وقال مواطن يدعى محمد: "إحنا مش فاهمين الحكومة فين وليه مش مهتميه بحاجة زي كده. مش حرام كل يوم نشوف شكل الشارع كده، دي مش عيشه حرام عنينا يعني".
وأضافت منى (طبيبة): "مشكلة الزبالة دي مشكلة كبيرة جدًا ونتمنى من الحكومة تحاول تحلها، لأن الزبالة تجمع عليها الحشرات، وده خطر على صحتنا و ينقل الأمراض بشكل سريع جدًا، ده غير الرائحة السيئة".
من جانبه قال حسين: "المفروض إننا بندفع للحكومة على فواتير الكهرباء فلوس للزبالة، عشان العمال يعدوا علينا في البيت يأخذوها مننا، لكن ده مبيحصلش، بندفع الفلوس ومفيش حد يعدي علينا، ولا حتى بيلموها من الشارع".
على الجانب الآخر، اتهم عمال النظافة، المحافظة بعدم الاهتمام بهم، إذ قال أحدهم: "لا يوجد توفير ملابس ولا أدوات ننضف بها، ده غير إن عربيات النقل عددهم قليل بالنسبة للمحافظة، وصعب نلف المحافظة كلها وننضفها ومفيش إمكانيات".
آخر رأى أن المواطنين هم سبب المشكلة، إذ قال: "هما السبب في إن الزبالة مالية الشوارع. الصناديق موجودة في الشارع لكن هما مش بيحطوا الزبالة جوه الصندوق".
