كشفت حنان علي، والدة إسراء الطويل، أن حالتها الصحية تتدهور داخل سجن القناطر بعد اعتقالها، معربةً عن قلقها من إصابتها بالشلل.
وقالت والدتها في منشور عبر صفحتها الرسمية على موقع “فيس بوك”: “النهارده كنا في زيارة إسراء، وحالتها الصحية بتسوء والمشي بقى أصعب، بتقول بدأت ماتحسش بوجود رجلها اليمين، والشمال فيها وجع مستمر وكانت تقريبا تخطت مرحلة العكازين طلبت نجيبهم ليها في الزيارة الجاية أو في النيابة من تاني، إسراء عشان تروح الحمام مش بتقدر تروح لوحدها لازم حد يكون معها لبعض الحمام بعض الشيء”.
وأضافت والدتها: “إسراء بتقولي أنا كل يوم ببكي من قهر الظلم وألم المرض وبتحسر على حالتها اللي بتسوء أمام عينها بعد ما كانت تخطت مرحلة الشلل، إسراء بتعالج رجليها من سنة ونص علاج طبيعي ودوائي وتنبيه كهربي عصبي وتمارين رياضية، وقف العلاج هيخلي كل تعبها في المستشفيات يروح عالفاضي، كانت بتقولنا خايفة أتشل تاني، بقالها 35 يوم مابتاخدش أي نوع من أنواع العلاج وحالتها بتسوء”.
وتابعت: “العرض علی النيابة كان المفترض يوم الاتنين اللي فات واتأجل لمعاد غير معلوم حتی الآن!! مين هيتحمل مسؤولية صحتها؟ وليه أصلا محبوسة؟ إسراء لازم تخرج وتكمل علاجها”.
.jpeg)
