يعاني أهالي قرية الملقطة بمحافظة أسوان من الانقطاع الدائم لمياه الشرب والتي تصل لأيام متواصلة، ويمتد الأمر ويصل إلى شهور في بعض مناطق القرية.
تفتقر قرية الملقطة إلى تواجد المياه، والذي يتواصل انقطاعها في المناطق العلوية من القرية إلى شهر، حيث تعد هذه المنطقة مترفعا كبيرا، وكل منزل يحتوي أربعة أو خمسة براميل لتخزين المياه التي تصل قليلا للقرية.
وفي حوار لشبكة “رصد” بين الأهالي، قالت دعاء مصطفى، أحد سكان المنطقة “المياه ممكن تقطع 5 أو 6 أيام متواصل، وبنضطر نقضي حياتنا بالمياه المخزنة في البراميل والخزانات، وممكن تخلص قبل ما المياه تيجي”. ويضيف أبو محسن علي “إحنا ساكنين فوق يعتبر آخر الجبل، والمياه ممكن تفضل قاطعة أسبوعين، ثلاثة، وساعات بتقطع أكتر من شهر وعايشين على الخزان، والجو حر وبنشغل التكييف بالعافية من مياه البرميل علشان بنخاف المياه تخلص مننا، واشتكينا كتير قبل كده والصحافة والتليفزيون صوروا أكتر من مرة ومافيش مسؤول بيعبرنا”.
كما تقول أم هبة: “حرام عليكم يا ناس كل شوية العيال ينزلوا يملوا ميه من أول البلد بالجرادل بسبب المياه اللي قاطعة طول الوقت ومش عارفين نعمل إيه تاني، براميل وملينا، جرادل وعبينا، خزان ووصلنا منه، الواحد مش عارف يقضي حياته إزاي؟ إحنا بنحتاج مياه للطبخ والنظافة والاستحمام نجيب منين، ساعات بتجيلنا العربية بتاعت المياه نملى منها بس ما ينفعش نعيش كده على طول”.
