أطلق طلاب بكلية التجارة في جامعة القاهرة، دعوة غريبة من نوعها، عبر موقع التواصل الاجتماعي “فيس بوك”؛ يدعون فيها لإقامة “مهرجان للبوسة” في ساحة الكلية، يوم 31 ديسمبر المقبل.

وقال القائمون على الدعوة: “قبل ما تكتب بوست شبهك افهم الكلام وبعدين اتكلم، مهرجان البوسة بجامعة القاهرة بـ”ساحة كلية التجارة” يوم الخميس 31 ديسمبر، هنعمل حاجة إحنا شايفينها صح، إننا ندعو كل اتنين مرتبطين أو مخطوبين عشان يعبروا عن حبهم لبعض سواءً من خلال هدية أو أقل حاجة ممكن تتعمل للإنسان اللي بنحبه وهي البوسة على خده، محدش هيقدر يمنعنا”.

وأضافوا “إحنا هنرفع شعار “إنهي 2015 ببوسة لأغلى حد عندك” حتى لو من بعيد هننهي السنة ببوسة لبعض وتعبير عن الحب لأقرب وأعز الناس علينا”، “هنستناكوا يوم 31 ديسمبر الساعة 3 العصر بساحة كلية التجارة بالجامعة وسيبكوا من التفكير الرجعي وأصحابه”.

تباينت ردود أفعال الطلاب بالجامعة؛ استهجن البعض الأمر ورأوا أنه يدعو للرذيلة ونشر الفساد، ومنهم من استقبله بالسخرية، فيما رآه البعض القليل حرية.

ودشن بعض المهاجمين للدعوة، “هاشتاج”، صباح اليوم الأربعاء، عبر “تويتر”، يحمل اسم “جامعة القاهرة” وتصدر الهاشتاج قائمة الأكثر تداولًا في التريند المصري في المرتبة الثالثة.

وجاءت تعليقات المغردين:

– عبدالله الشريف: “موقع مصراوي ينشر خبرًا عن إقامة مهرجان “للبوس” في جامعة القاهرة ولسه يا ما هانشوف انبهارات!!”.

Aboyosf Waheed- : “ياخراب الخراب الله يخدكم وبكره تشوفووووا مسر”.

– محمد نصر: “إشطة ممكن مهرجان الجواز العرفي كمان من فضلك؟”.

– ﻣﺨﺘﺎﺭ ﺗﻌﻠﺐ: “أهم حاجة المهرجان اللي بعد البوس إيه وهذا ما يسعون إليه من انتشار الرزيلة في المجتمع الإسلامي لكي يصبح مثل الغرب”.

– الحمد لله: “الأخلاق كل يوم بقت بتختفي ويظهر مكانها القباحة والانحطاط في التفكير والتفاهة بكل شيء لما خرجت البنت من بيت أبوها وهي متبرجة ولما خرج الشاب مسقط البنطلون والأب والأم على علم.. ضاع المجتمع وﻻ حول ولا قوة إلا بالله”.

منى زكريا: “أنا بصراحة مشوفتش سفالة ولا قذارة أكتر من كده، بلد بيحكمها يهودي منتظرين إيه؟ شباب بيدعي لمهرجان قذر ويوم لقلة الأدب في الجامعة، الله يلعنهم دنيا ودين وينتقم من اللي ضيعوا الدين”.

‏‎Thepatterner Hero-‎‏: “مصر كلها هتشارك في المهرجان ده”.

– أيمن سليمان‏: “وهي دى مصر الآن”.

اتحاد الطلاب يرفض

من جانبه، قال الطالب محمد مرتضى، رئيس اتحاد كلية التجارة بجامعة القاهرة، إن الاتحاد سيقوم بعمل مذكرة ضد صاحب فكرة الدعوة للمهرجان، مشيرًا إلى أن الاتحاد سيقدمها للدكتور رأفت علي، القائم بأعمال عميد كلية التجارة بالجامعة.

وأضاف، في تصريحات صحفية، اليوم الأربعاء، أن صاحب الحساب الوهمي “أحمد علي” على “فيس بوك”، قد يكون من خارج جامعة القاهرة، قائلًا: “الشخص ده من بره الجامعة، ومجنون وغير محترم”، مضيفًا “هنعرف مين اللي ورا الفكرة.. والأكونت الوهمي وهنحاسبه ونحبسه”.