أعلن عدد من رواد مواقع التواصل الاجتماعي عن غضبهم من الفنان أحمد عز بعد رفضه الاعتراف بنجليه من الفنانة زينه ،وخاصة بعد حكم المحكمة الذي أكد صحة النسب.

نشرت الفنانه زينة صورة لها على الإنستجرام وهي تبكي، بعد الحكم معلقة: “كله يقول مبروك الحمد لله الحمد لله الحمد لله الحمد لله.. كسبنا الحمد لله”.

وفي المقابل أصدر الفنان المصري أحمد عز، بياناً  قال فيه: “أحب أن أطمنكم أنني بخير، وأشعر بالرضا لما كتبه الله لي، وسعيد بالإبتلاء الذي أصابني، لأنني أثق في ربنا وفي نصره، إن عاجلاً أو آجلاً”، لافتا أن ما يعيشه هو “رفع درجات بإذن الله.. طبعا أنا لا أعلق على أحكام القضاء، ولن أثير ضجة، ولن أتكلم وسأترك حقي على ربنا العادل الحق، ولن أغير ما قلته منذ أول يوم في القضية، وسأكرره حتى آخر يوم في عمري”.

وتابع: “أشهد الله على كلامي، وأقسم بالله العلي العظيم أنني لم أتزوجها رسمياً أو عرفياً أو شفهياً، ولا لثانية، وحتى لو كان معها 100 حكم و100 شهادة ميلاد، هما ليسا أولادي”.

واختتم عز حديثه، بآية قرآنية : بسم الله الرحمن الرحيم ..”ولا تحسبن الله غافلاً عما يعمل الظالمون، إنما يؤخرهم ليومٍ تشخص فيه الأبصار”،  صدق الله العظيم

هاجم  رواد مواقع التواصل الفنان بيان أحمد عز مطالبينه أن يقوم بعمل تحليل  dna  لنفي أي اتهامات ضده.

وجائت التعليقات :

– مصطفي مسعود :”أنت عارف لو دول ولادك فعلا وكبروا وعرفوا انك كنت متبري منهم عارف هتبقى انت ايه ؟”.. طيب انت متخيل الطفلين دول لما يكبروا ويعرفوا اللي عملته انت وامهم في بعض متخيل شخصيتهم وحالتهم النفسية تتأثر أزاي .. عارف لو حد عايرهم او حد وصلهم اللي بيحصل ده عارف انهم هيعرفوا مليون % لأنهم مجرد ما يكتبوا في السيرش زينه الفاجرة واحمد عز هيطلعلهم وسخاتكم.. قولي ايه ذنب طفلين أتولدوا وأبوهم وامهم بالقذارة ؟؟ الطفلين دول ليهم رب يصبرهم وينصفهم .. حسبي الله ونعم الوكيل فيك وفيها وفي الوسط بتاعكم”.

– رنيا حسن :”اعترف بولادك عشان تحسن الشوية الي فاضلين من منظرك حتى لو ما اتجوزتهاش بس دول ولادك ، لو مش ولادك اعمل تحليل dna وكدبها ، غير كدة لا في صباح الخير ولا جمعة مباركة”.

–  شيماء كمال   :”اللهم قوى إيمانك يا عم الشيخ بقولك ايه مش هتطلع م الدور ده بقى ؟؟ المخرج قال فركش خلاص ودول ولادك مفيش واحدة فى الدنيا تفضح نفسها من غير ما تكون واثقة من إلى بتقوله ولو كنت صادق كنت عملت dna    من الأول بس انت هتعمله دلوقتي متعشم ترشى وتزور بس ربنا فوق الكل”.

– ممدوح أحمد  :” خلاصة الكلام يا عز أنت شخص مريض نفسي عايش زى كازانوفا عاوز كل الستات تبقى حواليك.. عاوز تجرب كل الستات و لما تعجبك واحدة ما بتفوتش من تحت أيدك .

– محمود عاطف : بص يا اسطي واضح انك فاهم الموضوع غلط ..انت مش لازم تتجوزها عشان تخلف منها .. ممكن تخلف منها من غير جواز و المصحف بتحصل من بدء الخليقة عادي ….فما تتحججش بقصة ما اتجوزتهاش لا رسمي و لا شفهي و لا عرفي دي”.