قامت إدارة إشغالات الطرق بوسط الإسكندرية مدعومة بقوات من الأمن بغلق محل “عصير مكة” فرع الشاطبي بدعوى تكدس السيارات والازدحام المروري أمامه، وسط استياء بين طلاب جامعة الإسكندرية من القرار، إذ يعد هذا المكان ملتقى لهم مع أصدقائهم.
وبسؤال طلاب الجامعة عن آرائهم في القرار قال مروان في تصريحات لـ”رصد”: “بدل ما وردية مرور تقف هناك وتحل المشكلة، نقوم قافلين المحل، نقفل باب الرزق”.
وأضافت منار رمضان: “ليه الأذى ده يا حكومة حرام عليكم إحنا كنا بنشرب عنده كل يوم عصير منكم لله”.
وقال أحمد رامي: “أكيد فيه سبب تاني، لأن مافيش مادة في القانون بتسمح بغلق محل عشان السبب ده، دي شدّة ودن مش أكتر، كلها يومين ويرجع يفتح تاني، للأسف البلد دي عمرها ما هتتعدل”.
واختتم عمر رمزي: “كل حاجة حلوة الحكومة بتقضي عليها، وعصير مكة بالنسبة لنا كطلاب كنا كل يوم بنروح عنده ونشرب منه”.
