أكدت غادة نجيب، زوجة الفنان هشام عبدالله، أن السلطات المصرية خاطبت الإنتربول لتسليمها، إضافة إلى شخصيات أخرى.

وأضافت -خلال منشور عبر صفحتها على “فيس بوك”- “بجد مبقتش فاهمة هما عايزين إيه، يعني هما فجأة اكتشفوا إني خطيرة أوي كده طب اما هو كده ليه طلبوا من هشام اننا نمشي وازاي طلعولي التصريح الأمني ازاي سابوني أطلع من مطار القاهرة، معلومة (أنا خرجت من مطار القاهره على تركيا يوم 16 ديسمبر، هما بقى عملولي ضبط وإحضار يوم 8 يناير وبلغوا الإنتربول يوم 9 يناير”.

وأوضحت “غادة نجيب”، “اخترعوا تهمة اسمها حركة شباب 25 يناير اللي للعلم اتقبض على شابين بالتهمة دي وانا موجودة في مصر ليه وازاي اكتشفوا بعد 3 أسابيع إني عضو في الحركة الوهمية دي، وده إثبات إني مكنتش متهمة ولا حتى جاتلي معلومات انهم هيلبسوني قضية”.

وتابعت زوجة الفنان: “اللي مش فاهماه الأجهزة الأمنية عايزاني أمشي من البلد ولا عايزة ترجعني ولا هما أصلًا مش عارفين هما عايزين إيه، مصيبة ليكون مفيش تنسيق بين الأجهزة يعني جهاز أجبرنا نمشي وجهاز اتقمص وعايزنا نرجع، احنا وقعنا في إيد دولة عبيطة مبتعرفش وبتلوش”.