أعلنت الناشطة السياسية، منى سيف، تضامنها مع نقابة الأطباء؛ بعد حادث اعتداء أمناء الشرطة على أطباء مستشفى المطرية التعليمي، منتقدة الهجوم على الدكتورة منى مينا، أمين عام النقابة.
وقالت “سيف” -في منشور لها على موقع “فيس بوك”-: “الهجمة شرسة جدًا على الدكتورة منى مينا والدكتور حسين خيري ومعركة الأطباء في ضمان حقوقهم وكرامتهم، كل إعلام البلد متسخر بس لتشويههم ونشر كلام مش حقيقي عنهم وشحن الناس ضدهم”.
وأضافت “فجأة إعلام الدولة بلجانها مستثمر كل طاقته في إنه يعدد كل حالة إهمال في الخدمات الصحية. كل ده ليه؟ عشان ما يحاسبوش كام نفر من العصابة المسلحة اللي بيسموها الداخلية”.
وتابعت “سيف” منشورها قائلة: “وطبعًا لو في أي فترة تانية وكان في حملة من غير أي توجيه من الدولة ولا إعلامها بتركز على مشاكل منظومة الصحة، كان نفس الإعلام ونفس اللجان دول هاجوا علينا بإن احنا ما بنشوفش غير السلبيات، احنا مش بنعمل حاجة غير إننا نطلع القطط الفاطسة للدولة، احنا بنكره بلدنا ومش وطنيين”.
واختتمت منشورها قائلة: “أيوه في مشاكل كتير في منظومة الصحة في البلد زي كل حاجة أول خطوة لحلها إن الدكاترة والتمريض يبقوا مأمنين على نفسهم وهم بيشتغلوا”.
