أنا لست من سكان القاهرة الكبرى ولكني قدمت منذ يومين فقط
المترو يا ريس وبالاخص محطتي حدائق المعادي ومارجرجس بيتم سرقة الموبايلات فيهم يومياً اكثر من مرة
اول ما باب المترو يقفل الباب ويتحرك بهدوء يجي الحرامي عند الشباك وأي حد بيتكلم في الموبايل من اللي قاعدين تحت الشباك يمد ايدة ويخطفه منه وحصلت قدام عيني وعندما تكلمت مع أحد ركاب المترو قالي ده مش أول مرة ده دايماً.
للعلم في محطة حدايق المعادي الحرامية بيقعدوا عند الحيطة اللي مبنيه بالطوب الأحمر ومش مكتمله دايماً قاعدين هناك.
نناشد وزير الداخلية الحد من هذه السرقات انا ياللي جيت القاهرة الاربعاء ومسافر الان عرفت كل المعلومات دي وبرضه السرقات لسه شغالة فياريت تنبهوا عالناس ميتكلموش في الموبايل تحت شباك المترو لحد متتحل المشكلة.
ملحوظه حل المشكلة تافه وهو ان يكون فتحة شباك المترو من فوق ومش من تحت زي بعض المتروهات فمش هيقدر طبعاً يسرق حاجة
