سيطرت حالة من السخرية بين رواد مواقع التواصل الاجتماعي، وذلك بعد أن قررت وزارة النقل بحكومة الانقلاب إصدار اشتراك مجانى لمدة عام باسم ”تحيا مصر- الأمن مسئولينا جميعا” لكل مواطن يقوم بالإبلاغ عن أى عملية تخريبية قبل وقوعها أو أى أجسام غريبة تثبت إيجابيتها، أو الإبلاغ عن أى محاولة لتعطيل أو الاعتداء على هذه المرافق قبل حدوثها، ويتم إبلاغ شرطة النقل والمواصلات وهيئة السكة الحديد ومترو الأنفاق.

من جانبه، استنكر الدكتور سيف عبدالفتاح، أستاذ العلوم السياسية بجامعة القاهرة، القرار واصفا بأن ذلك القرار يعني أننا في “دولة المساخر”.

وقال الشاعر والكاتب عبدالرحمن يوسف عبر صفحته الرسمية على موقع “فيس بوك”: “دولة “موجة كوميدي”.. ده الموضوع طلع رسمى وبجد وبحق وحقيقى.. يبقى مفيش داعى للمسلسلات الكوميدية بعد كده واضحكوا على الهبل السيساوى الانقلابى وخلاص”.

أما رواد مواقع التواصل فسخروا من القرار مؤكدين أن ذلك القرار يكشف “مدى الجهل الذي يسيطر على سلطات الانقلاب”:

GM ElGmmal: أو يتقبض عليك علشان اللي بيصنع القنبلة هو نفسه اللي بيوصل قبل ما تنفجر.

Ashraf Salman: وبعد التبليغة الخامسة احتمال تبقى ناظر المحطة.. حتى الهبل بقا ع الناشف!

Mohammed S. Sharf-Eldeen: طيب اللي عايز مترو بدل الاشتراك يشغله بالنفر رمسيس-العتبة؟! الأهبلة العميقة فتحت ع الرابع”!

Alnakhla Albaseka: هذا يعطي فرصة لضعاف النفوس وما أكثرهم هذه الأيام للتبليغ.

Rabab Okasha: غباء × غباء.. اللهم انتقم من الأغبياء.. دول بيشجعوا على الفساد.

خالد جبريل: كل واحد يجيب علبة سمن ويطلع منها كام سلكة ويحطها جنب المترو ويلحق يبلغ أحسن يكون حد شافك يبلغ هو وياخد الأشتراك وصدق من قال سنصبح أضحوكة العالم الحمد لله أصبحنا خلاص وبكرة تشوفوا مصر.

Abuabdullah Alosh: دولة الموز.

Emad Medo: بيشجعوا الناس أنها تتبلي وتكدب على بعض عشان اشتراك مترو كل ده بيني روح الفرقة والكراهية بين الناس منك لله يا بعيد ربنا ينتقم منك.

محمد عبد الله: العرض القادم اقتل جارك لو إخواني واحصل على اشتراك عائلي لمدة 5 سنوات.

Vena El Masry: والله يا أخى الواحد مابقاش لاقى تعليق على التخاريف و القرف ده.