منذ أن أذاعت قناة مكملين تسريبات مكتب السيسي الأخيرة التي كشفت الدور الإماراتي في تمويل حركة تمرد ودعم الانقلاب، لم يتوقف مرتادو مواقع التواصل الاجتماعي “فيس بوك”، و “تويتر” عن الحديث عنه بعبارات السخرية من عباس كامل، وانتقاد الدور الإمارتي في دعم الانقلاب، ليحتل هاشتاج “#70_دقيقة_تسريبات” المركز الثاني على مستوى مصر، وهاشتاج سب للإمارات في صدارة الترتيب على مستوى مصر والثاني عالميا.
فيعلق عمرو حسن: “لا والله ما حكم عسكر! ياريته حكم عسكر.. دي لو بلد بجد كانت التسريبات دي عملت ثورة في ليلته.. ده مصر طلعت قريبة بزيادة يا خسارتك يا بلد”.
وتروي غادة نجيب تجربتها مع تمرد: “لما قلت إن تمرد مخابرات اتزايد عليا ووصلت انه يتقال غادة خلايا نايمة اندست وسط تمرد لاجهاض الحاله الثورية.. أعتقد إن اللى كان شاكك الآن اتأكد انهم مش بس تابعين للمخابرات انما ايضا ممولين من الامارات وبرعاية المخابرات وكمان بينصصوا سوا … بس سيبك انت مرسى هو اللى متخابر وإحنا عملا وممولين اتفووووووو“.
وكتب باسم على معلقا على التشويش المستمر الذي تعرضت له قناة مكملين أثناء بثها للتسريب: “ده الترسيات حرقاهم قووووي.. والكل بأة عريان”.
وانتقد طارق الموقعين على إستمارة تمرد: “لكل مغفل مضي على استمارة تمرد ..طمني على أفاك”.
ويسخر أحمد: “ومين فينا مبيحبش الرز”.
ويكتب محمد رجب: “قولتلي مرسي بيتخابر مع قطر وحماس!! شكرا روح لأمك”.
ويدون محمد: “يعني كل الناس اللي نزلت 30 يونيو قابضة؟ ..لأة طبعا جزء قابط والباقي متقرطسين”.
ياسر الهواري –عضو جبهة الإنقاذ السابق-: “تخيل لما الجيش يقول عايزين شويه من فلوس تمرد…يا تري محمود بدر اتبرع بكام في صندق تحيا مصر؟“.
وقال أحمد غانم: “يعني عباس هو اللي كان ماسك المحاسبة لحركة تمرد ..بصراحة عباس ده أكتر واحد بيشتغل في البلد: ماسك الإعلام والحسابات ومكتب السيسي وتسليح حفتر.. وده يفسر مدى إخلاص وتفاني ومشغولية الرجل العسكري لما يحكم لدرجة أنه ما بيحسش بالميكروفون المحطوط في.. خلفيته العسكرية”.
