عادت أزمة انقطاع الكهرباء إلى عروس البحر بقوة، وذلك بعد هدنة أسابيع، مع تأكيداتٍ من الحكومة بأن الأزمة مستمرة خلال الأيام القادمة، وسخطٍ للمواطن السكندري.
و وصل الانقطاع في المنتزة شرقي الإسكندرية إلى 3 مرات يوميًا، وتصل مرة الانقطاع إلى أكثر من ساعة، ويكثر الانقطاع ليلًا، مايسبب غضب المواطنين أكثر لاحتياجهم الكهرباء أكثر من فترات النهار المختلفة.
ومع دعوات وزير الكهرباء بحكومة محلب لترشيد الاستهلاك، أسخط المواطن السكندري تشغيل إضائة الشوارع العمومية نهارًا، في الوقت الذي يتم قطعه عن المواطنين.
استطلع مراسل “رصد” آراء الأهالي في الأزمة، مع الدعوات بترشيد الاستهلاك، وتشغيل المصابيح العمومية بأوقاتٍ خاطئة، قالت “إسراء عطية”: “حكومة مرووشة، كل شوية يقولوا قللوا من استخدام الكهرباء، وهما مشغلين نور الشوارع بالنهار، وبيطفوه بالليل، الكلام ده مبيحصلش في دولة على الكوكب ده غير عندنا في مصر”.
وأضاف “محمد مختار” قوله: “الكهرباء بتقطع بالساعتين دلوقتي واحنا لسة في الشتاء، أمال هنعمل إيه لما يدخل الصيف، وليه كشافات الشوارع شغاله بالنهار مش ده تضيع للطاقة؟”.
وأردف “حسن رجب” قائلًا: “حكومة فاشلة وعايزة تمص دمنا وخلاص، بياعين بتسرق كهرباء وكشافات شغالة بالنهار وبيوت مفيهاش نور وفواتير كهرباء ملهاش أول من آخر، يرضي مين ده؟”.
وأوضحت “حنان أحمد” أن الحكومة بترشد الطاقة بالطريقة العكسية، وقالت: “الحكومة بتدور على الطريقة اللي ازاي ممكن تضيع فيها أكبر كمية، وتطالب الشعب إنه يشد الحزام ويرشد وفي الآخر احنا اللي بنحاسب على الفواتير، ربنا ينتقم منهم ومن اللي فوضهم”.
