شنت الوحدة المحلية لمركز مدينة ناصر ببني سويف، صباح اليوم الإثنين، بالتعاون مع مديرية الأمن وبقيادة مدير المباحث الجنائية، بحملات إزالة في الأراضي الزراعية بالمركز وقراه.
وتمكنت الحملة من إزالة 58 حالة تعد بالبناء على الأراضي الزراعية، وبعض الحالات بالقرى، كما تم إزالة عدد من المنازل المبنية على الأراضي الزراعية.
وأوضح عضو المجلس المحلي بالمركز، في تصريح لـ"رصد"، أنه بعد التجريف يصعب إعادة الأراضي المبنية عليها كأراضٍ زراعية مرة ثانية، أما الصالحة للزراعة مرة ثانية فسيتم زراعتها.
وقال أحد الأهالي الذين تضرروا من حملة الإزالة: "معنديش بيت ولا المرتب بيكفي عشان أأجر شقة بره، غير فلوس دروس ولادي، مش بيكون عندي حل غير إني ابني بيت في الأرض بتاعتي، وبعد ما أدفع فيها كل اللي حيلتى تيجي الحكومة وتزيلها، ويعملولنا محضر كمان، طيب بدل ما تزلولنا وفرولنا حل هنقعد فين ونجيب منين؟".
وأضاف "سيد. ر": "أنا باني كشك بين طريق أشمنت وبني عدي، بنام فيه عشان مش عندي بيت، وجايب فيه حاجات أبيعها وعايش عليها، تيجي الحكومة تكسرلي الكشك وتمشيني؟ أروح أنا فين؟ وأعيش إزاي؟".
هذا، وأكد "جمال. ك" قائلًا: "هنكمل بنا في الأرض بتاعتنا واللي اتهدله أي حاجة هيبنيها تاني، لإننا مش عندنا حاجة نقعد فيها، لو يوفروا مكان مش هنبني لكن بيزيلوا وخلاص".
