أعرب الإعلامي يوسف الحسيني عن رفضه حكم المحكمة الإدارية العليا بفصل أي موظف في الدولة يقوم بالإضراب، معتبرًا أنه “تأسيس للقمع والاستبداد، ولو كان القرار ده صدر أيام مرسي كانت قامت الدنيا وماقعدتش”.
وقال الحسيني، خلال برنامجه “السادة المحترمون” المذاع على فضائية “أون تي في”، مساء اليوم الثلاثاء: “والله لو كان حصل أيام مرسي ما كان في حد قعد مكانه”، مضيفًا “مش مستغربين، وتجيوا تقولوا لنا ماتنتقدوش.. إحنا هنا بندافع عن دولة القانون مش دولة القمع”.
وتابع “القانون ده اتجاه للقمع، ماحدش يقول لي الرئيس ماله بالقرار، ألا يبدي استغرابه من أن هذه الأمور محسوبة عليه هو؟ هو مش مسؤول صحيح عن الهيئات القضائية، لكن هذا لا يعني أن تصدر أحكام استبدادية تهدف إلى إخراس المواطن وتخوينه لكونه يعترض”.
وأضاف: “طبعا لازم تسكتوا، وحسك عينك تفتح بقك لو شفت مفسدة، واوعى تخش في مناقشة، واوعي تقعد تتكلم وتقول إنه مش عاجبك اللي بيحصل في البلد، هيقول عليك أنك خاين”.
وأردف: “يا خسارة وألف خسارة لو عدّى القانون ده على الرئاسة كده”.
شاهد الفيديو:
