تزداد معاناة الأهالي في سوق الخضار بمحافظة المنيا بمنطقه الحبشي، بسبب ارتفاع أسعار الفواكه والخضروات، ويبدأ يزداد الازدحام من أول الثانية عشر ظهرا، ولا يهدأ حتى الخامسة عصرا.

تقول سعاد محمد “الطماطم ب 6 جنيه و 8 جنيه، واللحمه الكيلو بـ 70 جنيه، حتى الملوخية اللي كانت أرخص الأكلات بقت بـ6 جنيه، الأسرة متوسطة الحال بعد ما كانت تاكل مرة في الأسبوع لحمة، دلوقتى مش بتقدر على المرة ده”.

وقال سمير صلاح، موظف “اللي بيزوده باليمين بياخدوه بالشمال، الـ100 جنيه لا تكفى خضار وفراخ مثلا، وحتى الفراخ اللي كانت سند لأصحاب الدخل المتوسط بدلا من اللحمة، هىي أيضا أصابها غلاء الأسعار الشديد“.

وأضاف س.ل “الحكومة بتلعب مع الشعب لعبة “بص العصفورة”، غلاء أسعار وأزمه بنزين وافتعال أزمات واحده تلو الأخرى، لينشغل الشعب بقوت يومه فقط وينسى أي حقوق أخرى .“فيما أشارت فاطمة السيد، ربة منزل “كل يوم نقول الأسعار بكره ترخص، لكن كل يوم في ازدياد، والناس تعبت مصاريف دروس ومدارس ولا اكل وشرب ولا معيشه وسكن، شكوتنا لربنا “.