قالت مصادر رسمية بوزارة النقل، إن الوزارة تعمل على إدخال خدمة “الواي فاي” في مترو الأنفاق، لافتًا إلى أن الخدمة سيتم تجريبها أولًا على محطات الخط الأول لمترو الأنفاق (المرج-حلوان)، في غضون شهر واحد.
وكشف مصدر مطلع بالخط الأول لمترو الأنفاق، أن أولى المحطات التي سيتم تركيب الواي فاي بها في الخط الأول للمترو، هي محطة سراي القبة، وبعدها سيتم تعميمه على باقي المحطات الأخرى.
علق عدد من النشطاء علي مواقع التواصل الاجتماعي؛ حيث قال حساب “Mein Herz König Herrn”: “مش لازم واي فاي شغلوا المراوح بس وارحمونا احنا بنتسلق”.
وذكر “Bekoo Elzamalkawy”: “زي برضوا الاتوبيسات ياعم نضفوا المترو وخلوه مكيف أبوس إيديكم”.
وتعجب “Mohamed Basiouny” قائلًا: “الزبالة مالية البلد ويقولك واي فاي في المترو”.
وقال “Amr Abo Amar: “إن الأمر استغلال لطيبة الشعب وعايزين يرفعوا تذكرة المترو فعملين حجة الواي فاي”.
وسخر “Malek Ashraf”: “الله أكبر دي كانت آخر مشكلة بتواجه مصر”.
وقال “Soraya Fouad”: “على الله ميغلوش التذكرة علشان النت اللي مش هيكمل أسبوعين زي الأتوبيسات بالظبط نصب علي الناس بطريقه شيك”.
وذكر حساب ” ماما فاطمه”: “خلي الشباب الفاضي يتكدس في المترو”.
وقال “Moh Fouash”: الأهم هو اللي هيركب هيعرف يمسك التلفون من الزحمة، متسائلًا: “إيه الغيبوبة اللي احنا فيها دي”.
وقالت “faten Korayem”: “الناس من الانشغال في النت حتنسي تنزل في محطة سكنهم أو حاينسوا رايحين فين”.
