مع اقتراب موعد افتتاح تفريعة قناة السويس الجديدة، والحملة الإعلامية الضخمة التي دشنها النظام للاحتفال بالتفريعة، شهدت مواقع التواصل الاجتماعي موجة من التعليقات الساخرة علي افتتاح القناة، وتحويل تفريعة طولها 36 كيلو إلى قناة جديدة.
كما دشن عدد من النشطاء هاشتاج “مصر بتتقرطس”، ردًا على هاشتاج “مصر بتفرح”؛ لتوضيح حقيقة التفريعة الجديدة، وتكذيب إشاعة أنها قناة جديدة بجوار قناة السويس.
وقال طارق تيتو: “اللي أخدته القرعة تخده أم الشعور هو احنا كنا شوفنا إيه من القناة القديمة عشان نشوف من الترعة الجديدة …#مصر_بتتقرطس”.
ومن جانبه، قال معاذ غنيم: إن “حقد الإخوان على قناة السويس الجديدة بيفكرني بحقدهم على مشروع العلاج بالكفتة ومشروع المليون وحدة سكنية والمؤتمر الاقتصادي والحمد لله ربنا أخزاهم وكشف حقدهم وآلاف المرضي من كل دول العالم بيتعالجوا بالجهاز والشباب استلم الشقق والمليارات نازلة ترف على الشعب”.
وأضاف علي حسن: “أنا خايف بعد القنوات اللي بتتفتح والفلوس اللي هتيجي منها تغيرنا اوعو ياجماعة الفلوس تغيرنا”.
وسخر هيثم حسن من التفريعة الجديدة قائلًا: “متعومش في الترعة يا عيلاء ولا تعمل بيبي فيها يا عيلاء”.
وقال أيمن علي: “تحس إن السيسي هيعمل فرح ويلم النقطة وعلى إيه يا حسرة دي ترعة الزمر أطول منها”.
بيقولك مصر بتفرح هو مش كان فرحها من كام شهر ف شرم الشيخ ولا دي كانت الشبكة والدخلة الخميس الجاي ف نادي القوات المسلحة ف السويس.. مصر بتتخزوق.
وأوضح إبراهيم طارق، أن إمكانيات الدولة الفقيرة كلها مسخرة من أجل شخص واحد يخدع الناس بأنه عمل قناة سويس جديدة.
وأضاف “ليكتشف الجميع أن عشرات المليارات التي أنفقها على تفريعة واحدة (من 6 تفريعات سبق عملها السادات ومبارك والملك فاروق وغيرهم دونما ضجة) ليس لها عائد يذكر لأن حجم التجارة العالمي الذي يمر بالقناة (7% فقط) هو في حدود الـ49 سفبينة التي تمر يوميًا قبل التفريعة الجديدة وبعدها (لأن عمق القناة وعرضها لايسمحان للسفن العملاقة بالمرور وهي تحمل ثلث تجارة العالم)؟؟؟”.
وقال طارق: إن “السيسى يعتمد على فكرة الصورة المبهرة التي تتحول إلى فنكوش (على بيه مظهر)؟؟ ولا تنسوا فناكيش المؤتمر الاقتصادي والكفتة والـ4 ملايين فدان والمليون وحدة سكنية والعاصمة الجديدة”.
وقالت نهى علي: “بيقولك عاملين كهربا ونور على باب القناة ومشغلين أسماء الله الحسنى لهشام عباس وبعدها مهرجانات”.
وأضف محمد جمعة “تفريعة.. قناة مش مهم المهم إنها هتعرض أفلام أكشن وماتشات متشفرة”.
وقال محمد طارق: “قناة السويس اللي حفرها المصريين في عصر إسماعيل كان طولها لوحدها بدون تفريعاتها 155 كيلو متر، قوم إيه يا مؤمن الإعلام بيقول إن دي قناة جديدة موازية للقديمة عشان تبقي رايح جاي، بس طولها مش 155 لأ 35 كيلو متر بس، بس احنا مش حنقول إنها تفريعة 7 للـ6 اللي كانوا أصلًا موجودين لأ احنا اعتبراناها قناة جديدة، ماتوا في حوادث عادية بس العيلة اعتبرتهم شهدا”.
