مع اقتراب عيد الأضحى تشتعل أسعار اللحوم، رغم حالة “التفليسة” التي تضرب جيوب المصريين جراء تدهور الأوضاع الاقتصادية.
أمام أحد أشهر محلات الجزارة بمدينة أجا بمحافظة الدقهلية يقول أبو محمود “صاحب محل جزارة”: “النهاردة البتلو هيا اللي رافعة السعر خصوصا اننا داخلين على الموسم بتاع الأضاحى ..يعني كيلو البتلو 143 جنيه ..في حين ان الضان ب 105، والبلدي منه اللي بعظمه ب 78 ،واللي ثلث ابيض وثلثين احمر 88 جنيه ..بس طبعا الاسعار هترفع كمان علشان الموسم داخل خلاص علينا يعني ..ممكن الاسعارترفع 5% زيادة خصوصا ان الطلب هيزيد جدا في ظل ان أساسا المعروض قليل بعد مشاكل لحمة الحمير والحاجات دي”.
ويعلق الحاج مسعود سالم “مزارع”: “والله انا لسه بسأل الجزار عن سعر البتلو قالي 143 جنيه!، هوا انا راتبي اساسا كام؟!، أنا يا أستاذ باخد معاش 570 جنيه يعني ميجيبوش اربعة كيلو بتلو على بعض.. ارحمونا بقا يا جدعان ارحمونا”.
ويتفق معه سالم السجيني، مدرس: “والله وضع البلد بقا سيئ بكل المقاييس، مجتش على اللحمة بس، يعني ايه كيلو البلدي ب 88 جنيه، ايه المهزلة دي ؟ وفي الآخر تطلعلنا لحمة حمير ، حد يقولي حكومة محلب دي بتنيل ايه في مكاتبها وسايبننا ناكل في بعض كدة !!”.
وتقول فاطمة معاطي، ربة منزل: “اللحمة دي مبتدخلش بيتنا الا مرتين في السنة .. عيد الأضحى وعيد الفطر وبتكون من المحسنين ، لكن بقية السنة مفيش طبعا الا “القهر” .
